ನ್ಯೂಸ್ ನಾಟೌಟ್: ಕಳೆದ ಒಂದು ವರ್ಷದ ಹಿಂದೆ ಸಂಪಾಜೆ ಚಟ್ಟೆಕಲ್ಲು ನಿವಾಸಿ ಜ್ಯೋತಿಷಿ ಹಾಗೂ ಅರ್ಚಕ ಅಂಬರೀಶ್‌ ಭಟ್‌ ರ ಮನೆ ಅಂಬಾಶ್ರಮಕ್ಕೆ ನುಗ್ಗಿ ಮನೆ ದರೋಡೆ ಪ್ರಕರಣದ ಆರೋಪದಡಿಯಲ್ಲಿ ಬಂಧಿತ ಆರೋಪಿಗೆ ನ್ಯಾಯಾಲಯ ಜಾಮೀನು ಮಂಜೂರು ಮಾಡಿರುವುದಾಗಿ ತಿಳಿದುಬಂದಿದೆ.
2022ರ ಮಾ.20 ರಂದು ಈ ಘಟನೆ ಸಂಭವಿಸಿತ್ತು. ಅಂಬರೀಶ್‌ ಭಟ್‌ ರವರು ಮನೆಯಲ್ಲಿ ಇಲ್ಲದಿರುವ ಸಮಯದಲ್ಲಿ ಅವರ ಪತ್ನಿ ಹಾಗೂ ಸೊಸೆಗೆ ಮಚ್ಚು ತೋರಿಸಿ ಮನೆಯಲ್ಲಿದ್ದ 100 ಗ್ರಾಂ ಚಿನ್ನಾಭರಣ ಹಾಗೂ ರೂ 5.5 ಲಕ್ಷ ನಗದು ದೋಚಿ ಪರಾರಿಯಾಗಿದ್ದರು.
ಈ ಪ್ರಕರಣದ ಆರೋಪಿಗಳ ಪೈಕಿ ಮುಖ್ಯ ಆರೋಪಿ ಸ್ಯಾಮ್‌ ಸನ್‌ ಪೋಲೀಸರ ಕೈಗೆ ಸಿಗದೇ ತಲೆಮರೆಸಿಕೊಂಡಿದ್ದು, ವರ್ಷದ ಬಳಿಕ ಸೆರೆಯಾಗಿದ್ದ. 2023 ರ ಫೆ.23 ರಂದು ಹಾಸನದಲ್ಲಿ ಬಂಧಿಸಲಾಗಿತ್ತು. ಆರೋಪಿಯನ್ನು ಪೋಲೀಸರು ನ್ಯಾಯಾಲಯಕ್ಕೆ ಹಾಜರುಪಡಿಸಿದಾಗ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿತ್ತು.
