ನ್ಯೂಸ್ ನಾಟೌಟ್: ಹವಾಮಾನದ ವರದಿ ಮಾಡುತ್ತಲೇ ಸುದ್ದಿ ವಾಚಕರೊಬ್ಬರು ದಿಢೀರನೇ ಕುಸಿದು ಬಿದ್ದ ಘಟನೆ ಶನಿವಾರ ಮಾರ್ಚ್ ೧೮ರಂದು ನೇರ ಟಿವಿ ಪ್ರಸಾರದ ವೇಳೆ ಅಮೆರಿಕದಲ್ಲಿ ನಡೆದಿದೆ.
ಸಿಬಿಎಸ್‌ ನ್ಯೂಸ್ ಚಾನೆಲ್‌ನ ಲಾಸ್‌ ಏಂಜಲೀಸ್‌ನಲ್ಲಿ ಅಲಿಸ್ಸಾ ಕಾರ್ಲ್ಸನ್ ಶ್ವಾರ್ಟ್ಜ್ ಎಂಬ ಮಹಿಳೆ ಹವಾಮಾನ ವರದಿಯನ್ನು ನೀಡಲು ಮುಂದಾದಾಗ ಈ ರೀತಿ ಅಸ್ವಸ್ಥರಾಗಿ ಕುಸಿದು ಬಿದ್ದಿದ್ದಾರೆ ವರದಿ ತಿಳಿಸಿದೆ. ಈ ಆಘಾತಕಾರಿ ವಿಡಿಯೋವನ್ನು ಕ್ಯಾಮೆರಾದಲ್ಲಿ ಸೆರೆಹಿಡಿಯಲಾಗಿದೆ.
ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡ ವಿಡಿಯೋದಲ್ಲಿ, 42 ವರ್ಷದ ಮಹಿಳೆಯ ಕಣ್ಣುಗಳು ಇದ್ದಕ್ಕಿದ್ದಂತೆ ತಿರುಗಿದ್ದು, ನಂತರ ಆಕೆ ಸ್ಟೂಡಿಯೋದ ಟೇಬಲ್‌ ಮೇಲೆ ಒರಗಿದ್ದಾಳೆ. ಬಳಿಕ, ಸಂಪೂರ್ಣವಾಗಿ ಕೆಳಕ್ಕೆ ಕುಸಿದು ಬಿದ್ದಿದ್ದಾರೆ.
ಈ ಮಧ್ಯೆ, ಮತ್ತೊಂದು ಸ್ಟುಡಿಯೋದಲ್ಲಿ ಏನು ನಡೆಯುತ್ತಿದೆ ಎಂಬುದರ ಬಗ್ಗೆ ಗಮನ ಹರಿಸದೆ, ಸುದ್ದಿ ನಿರೂಪಕರಾದ ನಿಚೆಲ್ ಮದೀನಾ ಮತ್ತು ರೇಚೆಲ್ ಕಿಮ್ ವರದಿಗಾರ್ತಿಯನ್ನು ವೀಕ್ಷಕರಿಗೆ ಪರಿಚಯಿಸಿದ್ದಾರೆ. ಬಳಿಕ, ಆಕೆ ಕುಸಿದು ಬೀಳುವುದನ್ನು ಅವರು ಗಮನಿಸಿದಾಗ, ಅವರು ಒಂದು ಕ್ಷಣ ಆಘಾತಗೊಂಡಿದ್ದು, ನಂತರ ಆ ಚಾನೆಲ್‌ನಲ್ಲಿ ವಿರಾಮ ತೆಗೆದುಕೊಳ್ಳಲಾಗಿದೆ. ನಿರೂಪಕಿ ಪ್ರಾಣ ಕಳೆದುಕೊಂಡಿರುವ ಸಾಧ್ಯತೆ ಇದೆ ಎನ್ನಲಾಗಿದೆ.
