ನ್ಯೂಸ್ ನಾಟೌಟ್: ಮುಂಬೈ ಮಹಾನಗರಿಯ ಓಶಿವಾರ ಮಾರ್ಕೆಟ್ ಬೆಂಕಿ ಅವಘಡಕ್ಕೆ ಸಿಲುಕಿ ಹೊತ್ತಿ ಉರಿದಿದೆ. ಅಗ್ನಿಯ ಕೆನ್ನಾಲಗೆ ಸುತ್ತಮುತ್ತಲಿನ ಪ್ರದೇಶಕ್ಕೆ ವ್ಯಾಪಿಸಿದ್ದು, ಗುಡಿಸಲುಗಳು ಸುಟ್ಟು ಭಸ್ಮವಾಗಿವೆ ಎಂದು ವರದಿ ತಿಳಿಸಿದೆ.
ಓಶಿವಾರ ಮಾರ್ಕೆಟ್ ವ್ಯಾಪಾರಿಗಳಿಗೆ ಭಾರೀ ಆತಂಕ ಎದುರಾಗಿದ್ದು, ಬೆಂಕಿಯ ಸುಲಿಗೆ ಕೆಲವರು ಸಿಲುಕಿರುವ ಶಂಕೆ ವ್ಯಕ್ತವಾಗಿದೆ.
ಮುಂಬೈನ ಜೋಗೇಶ್ವರಿ ಪ್ರದೇಶದಲ್ಲಿ ಓಶಿವಾರ ಮಾರ್ಕೆಟ್ ನಲ್ಲಿ ಹಲವಾರು ಫರ್ನಿಚರ್ ನ ಗೋದಾಮುಗಳಿದ್ದು, ಹಲವು ಗೋದಾಮುಗಳು ಬೆಂಕಿ ಅನಾಹುತಕ್ಕೆ ತುತ್ತಾಗಿದೆ. ಬೆಂಕಿ ಆವರಿಸಿದ ಜಾಗದಲ್ಲಿ ಆಕಾಶದೆತ್ತರಕ್ಕೆ ದಟ್ಟ ಹೊಗೆ ವ್ಯಾಪಿಸಿದೆ.
ಮಾರ್ಕೆಟ್‌ನಲ್ಲಿರುವ ಫರ್ನಿಚರ್ಗಳನ್ನ ವ್ಯಾಪಾರಸ್ಥರು ಆದಷ್ಟು ಸ್ಥಳಾಂತರಿಸಲು ಪ್ರಯತ್ನಿಸುತ್ತಿದ್ದಾರೆ ಎಂದು ವರದಿ ತಿಳಿಸಿದೆ. ಹತ್ತಕ್ಕೂ ಹೆಚ್ಚು ಅಗ್ನಿಶಾಮಕ ವಾಹನ ಸ್ಥಳಕ್ಕೆ ಆಗಮಿಸಿದ್ದು ಬೆಂಕಿ ನಂದಿಸುವ ಕಾರ್ಯದಲ್ಲಿ ನಿರತವಾಗಿವೆ ಎಂದು ವರದಿ ತಿಳಿಸಿದೆ.
