ನ್ಯೂಸ್ ನಾಟೌಟ್ :ತೆರೆದಿಟ್ಟ ಮೊಟ್ಟೆಯೊಳಗೆ ಅದರ ಹಳದಿ ಲೋಳೆಯ ಭ್ರೂಣವನ್ನಿಟ್ಟು ಜೀವಂತ ಮರಿಯನ್ನು ಕೃತಕ ವಿಧಾನದ ಮೂಲಕ ಅಭಿವೃದ್ಧಿಪಡಿಸುವುದನ್ನು ತೋರಿಸುವ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸುದ್ದಿಯಾಗುತ್ತಿದೆ.ಈ ವಿಡಿಯೋವನ್ನು ನೋಡಿದ್ರೆ ನಿಮಗೂ ಒಂದ್ಸಲ ಆಶ್ಚರ್ಯವಾಗುತ್ತೆ.ಈ ವಿಡಿಯೋ ಹಳೆಯದಾದರೂ ಮತ್ತೆ ಇದು ವೈರಲ್ ಆಗುತ್ತಿದೆ.
2016ರಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋವನ್ನು ಇತ್ತೀಚಿಗೆ ಮೆಡಿಕಲ್ ವಿಡಿಯೋಸ್ ಎಂಬ ಹೆಸರಿನ ಟ್ವಿಟರ್ ಖಾತೆಯಲ್ಲಿ ಮರು ಪೋಸ್ಟ್ ಮಾಡಲಾಗಿದೆ. ಇದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದೆ. ಒಡೆದ ಮೊಟ್ಟೆಯಿಂದ ಕೋಳಿ ಮರಿ ಜೀವಂತವಾಗಿ ಬರುವವರೆಗೆ ಈ 21 ದಿನದ ಪ್ರಕ್ರಿಯೆಯನ್ನು ಕೆಲವೇ ನಿಮಿಷಗಳ ಈ ವೈರಲ್ ವೀಡಿಯೋದಲ್ಲಿ ಕಾಣಬಹುದಾಗಿದೆ. ಸದ್ಯ ಈ ವಿಡಿಯೋ ಸುಮಾರು ಮಿಲಿಯನ್ ಗಟ್ಟಲೆ ವೀಕ್ಷಣೆಗಳನ್ನು ಪಡೆದುಕೊಂಡಿದ್ದು, ಸಾವಿರಾರು ಲೈಕ್‌ಗಳನ್ನು ಪಡೆದುಕೊಂಡಿದೆ.
