ನ್ಯೂಸ್ ನಾಟೌಟ್: ಕುಶಾಲನಗರದ ವಾಲ್ನೂರು- ತ್ಯಾಗತ್ತೂರು ಗ್ರಾಮ ಪಂಚಾಯತ್ ವ್ಯಾಪ್ತಿಯ ಅಭ್ಯತ್‌ಮಂಗಲ ವಾರ್ಡ್‌ನ ಮುಖ್ಯ ರಸ್ತೆಯ ಪಕ್ಕದಲ್ಲಿ ಅನಧಿಕೃತವಾಗಿ ಕಸ ಸುರಿದವರಿಗೆ ಗ್ರಾಮ ಪಂಚಾಯತ್ 10000 ರೂ. ದಂಡ ವಿಧಿಸಿದೆ.
ಕೆಲವು ದಿನಗಳಿಂದ ಮುಖ್ಯರಸ್ತೆಯ ಸಮೀಪದಲ್ಲಿ ರಾತ್ರಿ ವೇಳೆ ಗಾಡಿಯಲ್ಲಿ ಬಂದು ಕಸ, ಕೋಳಿ ತಾಜ್ಯ ಎಸೆದು ಮಲಿನ ಮಾಡುತ್ತಿದ್ದು, ಈ ಬಗ್ಗೆ ಪರಿಸರದ ಜನರು ಪಂಚಾಯತ್ ದೂರು ನೀಡಿದ್ದರು. ಈ ನಿಟ್ಟಿನಲ್ಲಿ ಕಾರ್ಯಾಚರಣೆ ನಡೆಸಿದ ಪಂಚಾಯತ್ ಸಿಬ್ಬಂದಿ, ಜನಪ್ರತಿನಿಧಿಗಳು ಕಸದಲ್ಲಿ ದೊರೆತ ಮೊಬೈಲ್‌ ಆಧರಿಸಿ ಸಂಬಂಧಪಟ್ಟವರಿಗೆ ದಂಡ ವಿಧಿಸಿದ್ದಾರೆ.
ಮುಂದಿನ ದಿನಗಳಲ್ಲಿ ರಸ್ತೆ ಬದಿ ಕಸ, ತಾಜ್ಯಗಳನ್ನು ಸುರಿದರೆ ಕಠಿಣ ಕ್ರಮ ಮತ್ತು ದಂಡದ ಪ್ರಮಾಣ ಹೆಚ್ಚಿಸಲಾಗುವುದು ಎಂದು ಪಂಚಾಯತ್ ಅಧಿಕಾರಿ ತಿಳಿಸಿದ್ದಾರೆ.
