ಬ್ರಾಹ್ಮಣ ಸಿಎಂ ವಿವಾದ ಸ್ಪಷ್ಟೀಕರಣಕ್ಕೆ ಬಿಗಿಪಟ್ಟು
ನ್ಯೂಸ್‌ನಾಟೌಟ್‌: ಮಾಜಿ ಸಿಎಂ ಕುಮಾರಸ್ವಾಮಿ ಆಡಿದ ಬ್ರಾಹ್ಮಣ ಸಿಎಂ ವಿವಾದ ತಣ್ಣಗಾಗುವಂತೆ ಕಾಣುತ್ತಿಲ್ಲ. ಬುಧವಾರ ಗೋಕರ್ಣಕ್ಕೆ ಭೇಟಿ ನೀಡಿದ ಕುಮಾರಸ್ವಾಮಿ ಅವರಿಗೆ ಅರ್ಚಕರು ನೇರವಾಗಿ ಪ್ರಶ್ನಿಸಿ ನಿಮ್ಮ ಹೇಳಿಕೆಯಿಂದ ನಮ್ಮಸಮುದಾಯಕ್ಕೆ ಬೇಸರವಾಗಿದೆ. ಈ ಬಗ್ಗೆ ಗೋಕರ್ಣದಲ್ಲೇ ಸ್ಪಷ್ಟೀಕರಣ ನೀಡುವಂತೆ ಪಟ್ಟು ಹಿಡಿದರು.
ಇಲ್ಲಿನ ದೇವಳದ ರಥಬೀದಿಯಲ್ಲೇ ನರಸಿಂಹ ಉಪಾಧ್ಯಾಯ ಎಂಬ ಅರ್ಚಕರು ಕುಮಾರಸ್ವಾಮಿಯ ಹೇಳಿಕೆಯನ್ನು ಪ್ರಸ್ತಾಪಿಸಿ ನಿಮ್ಮ ಕುಟುಂಬದ ಬಗ್ಗೆ ಗೌರವವಿದೆ, ಆದರೆ ನೀವು ಆಡಿದ ಬ್ರಾಹ್ಮಣ ವಿರೋಧಿಯಿಂದ ಹೇಳಿಕೆ ನಮ್ಮ ಸಮುದಾಯಕ್ಕೆ ಬೇಜಾರಾಗಿದೆ. ಈ ಬಗ್ಗೆ ನಮ್ಮ ಊರಲ್ಲೇ ಉತ್ತರ ಕೊಡಬೇಕು ಎಂದು ಪಟ್ಟು ಹಿಡಿದರು. ಈ ಸಂದರ್ಭ ಅರ್ಚಕರನ್ನು ಸಮಾಧಾನಿಸಲು ಯತ್ನಿಸಿದ ಕುಮಾರಸ್ವಾಮಿ, ನಾನು ಬ್ರಾಹ್ಮಣ ವಿರೋಧಿ ಹೇಳಿಕೆ ನೀಡಿಲ್ಲ. ಬ್ರಾಹ್ಮಣರಿಗೆ ಗೌರವ ಕೊಡುತ್ತೇನೆ. ರಾಮಕೃಷ್ಣಹೆಗ್ಡೆಯವರನ್ನು ಮುಖ್ಯಮಂತ್ರಿ ಮಾಡಿದ್ದು ದೇವೇಗೌಡರು. ನಾನು ಬಿಜೆಪಿಯಲ್ಲಿ ನಡೆಯುತ್ತಿರುವ ಪೇಶ್ವೆ ಬಗ್ಗೆ ಚರ್ಚಿಸಿದ್ದು ಎಂದು ಸ್ಪಷ್ಟೀಕರಣ ನೀಡಿದರು.
