ನ್ಯೂಸ್ ನಾಟೌಟ್ : ವೀರ ಮಾರುತಿ ಟ್ರೋಫಿ – 2023 ಹೆಸರಿನಲ್ಲಿ ಆಹ್ವಾನಿತ 20 ತಂಡಗಳ ನಿಗದಿತ ಓವರಿನ ಅಂಡರ್ ಆರ್ಮ್ ಕ್ರಿಕೆಟ್ ಪಂದ್ಯಾಟವು 2 ದಿನಗಳ ಕಾಲ ನಡೆಯಿತು. ಆ ಪ್ರಯುಕ್ತವಾಗಿ 26 ಜನವರಿ 2023 ರಂದು ಗುರುವಾರ ದ.ಕ.ಜಿ.ಪ.ಮಾ.ಹಿ.ಪ್ರಾ ಶಾಲೆ ಗುತ್ತಿಗಾರು ಎಂಬಲ್ಲಿ ಆಯೋಜಿಸಿದ್ದ ಸಮಾರೋಪ ಸಮಾರಂಭ ಮತ್ತು ಸನ್ಮಾನ ಕಾರ್ಯಕ್ರಮ ಸಂಪನ್ನಗೊಂಡಿತು.
ಕಾರ್ಯಕ್ರಮದಲ್ಲಿ ಮಾರುತಿ ಸ್ಪೋರ್ಟ್ ಕ್ಲಬ್(ರಿ) ನ ಅಧ್ಯಕ್ಷರಾದ ಮಾಧವ ಎರ್ದಡ್ಕ ಶುಭಕೋರಿ ಅತಿಥಿಗಳನ್ನು ಗೌರವಿಸಿದರು, ಅಕಾಡೆಮಿ ಆಫ್ ಲಿಬರಲ್ ಎಜುಕೇಷನ್(ರಿ) ನ ಪ್ರಧಾನ ಕಾರ್ಯದರ್ಶಿಯಾದ ಅಕ್ಷಯ್ ಕೆ.ಸಿ. ಅವರನ್ನು ಸನ್ಮಾನಿಸಲಾಯಿತು.
ಈ ವೇಳೆ ಪ್ರಧಾನ ಕಾರ್ಯದರ್ಶಿ ಲೋಹಿತ್ ಅಜಡ್ಕ , ಚೈಪೆ, ಗೌರವಾಧ್ಯಕ್ಷರಾದ ವಿಜೇಶ್ ಹಿರಿಯಡ್ಕ ಮತ್ತು ಕ್ರೀಡಾಭಿಮಾನಿಗಳು ಮತ್ತು ಕ್ರೀಡಾಪಟುಗಳು ಉಪಸ್ಥಿತರಿದ್ದರು.
