ನ್ಯೂಸ್ ನಾಟೌಟ್: ಅಯ್ಯಪ್ಪ ಮಾಲಾ ಧರಿಸುವವರು ಸರಿಯಾದ ವೃತವನ್ನು ಪಾಲಿಸುವುದು ರೂಢಿ. ಆದರೆ ಇಲ್ಲೊಬ್ಬ ಭಕ್ತ ಕುಡಿದು ದೇವರ ಸನ್ನಿಧಿಗೆ ಬಂದು ಗುರು ಸ್ವಾಮಿಗೆ ರೆಡ್ ಹ್ಯಾಂಡ್ ಆಗಿ ಸಿಕ್ಕಿ ಬಿದ್ದಿದ್ದಾನೆ.
ಕಪಾಳ ಮೋಕ್ಷ:
ಕಂಠ ಪೂರ್ತಿ ಕುಡಿದು ಬಂದ ಅಯ್ಯಪ್ಪ ಮಾಲಾಧಾರಿಗೆ ಅಯ್ಯಪ್ಪ ಸ್ವಾಮಿ ದೇವಾಲಯದಲ್ಲಿ ಕಪಾಳಮೋಕ್ಷ ಮಾಡಿದ ಘಟನೆ ಗೋಕುಲ ಗ್ರಾಮದ ಹುಬ್ಬಳ್ಳಿಯಲ್ಲಿ ನಡೆದಿದೆ. ಗೋಕುಲದ ಮೋಹನ ಗುರುಸ್ವಾಮಿ ಅವರು ಕುಡಿದು ದೇವಸ್ಥಾನಕ್ಕೆ ಬಂದಿದ್ದ ಮಾಲಾಧಾರಿ ವ್ಯಕ್ತಿಗೆ ಕಪಾಳಮೋಕ್ಷ ಮಾಡಿದ್ದಾರೆ.ಕುಡಿದ ಅಯ್ಯಪ್ಪ ಮಾಲಾಧಾರಿ ವ್ಯಕ್ತಿ ಗುರು ಸ್ವಾಮಿ ಸನಿಹ ಬಂದಾಗ ಮೂಗಿಗೆ ಮದ್ಯದ ವಾಸನೆ ಬಡಿಯುತ್ತಿತ್ತು. ಈ ವೇಳೆ ಗುರುಸ್ವಾಮಿ ವೃತ ಭಂಗ ಮಾಡಿದ್ದಕ್ಕೆ ಬೈದು ಕಪಾಳಮೋಕ್ಷವನ್ನು ಮಾಡಿದ್ದಾರೆ. ಜೀವನದಲ್ಲಿ ಮಾಲೆ ಹಾಕುವುದು ವ್ರತಧಾರಣೆ ಮಾಡುವುದರ ಸೂಚನೆಯಾಗಿದೆ. ಮಾಲೆ ಹಾಕಿದ ಮೇಲೆ ಕಠಿಣ ವ್ರತ ಪಾಲಿಸಬೇಕು.
