ನ್ಯೂಸ್ ನಾಟೌಟ್ :ಮಂಗಳೂರು ವಿಶ್ವವಿದ್ಯಾನಿಲಯ ಹಾಗೂ ಶ್ರೀ ಭುವನೇಂದ್ರ ಕಾಲೇಜಿನ ಜಂಟಿ ಆಶ್ರಯದಲ್ಲಿ ಹೆಚ್ ವಿ ಕಮಲೇಶ್ ಸ್ಮರಣಾರ್ಥ ನಡೆದ ಮಹಿಳೆಯರ ಅಂತರ್ ಕಾಲೇಜು ಖೋ-ಖೋ ಚಾಂಪಿಯನ್ ಶಿಪ್ ನಲ್ಲಿ ಆಳ್ವಾಸ್ ಕಾಲೇಜು ೧೨ನೇ ಬಾರಿ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿತು.
೧೨ ತಂಡಗಳು ಭಾಗಿ:
ಈ ಪಂದ್ಯಾಕೂಟದಲ್ಲಿ ಒಟ್ಟು ೧೩ ತಂಡಗಳು ಭಾಗವಹಿಸಿದ್ದವು. ಪಂದ್ಯಕೂಟದ ಅಂತಿಮ ಪಂದ್ಯದಲ್ಲಿ ಆಳ್ವಾಸ್ ಕಾಲೇಜ್ ಜಿಎಫ್‌ಜಿಸಿ ವಾಮದಪದವು ತಂಡವನ್ನು ೧೦ ಅಂಕಗಳು ಹಾಗೂ ಇನ್ನಿಂಗ್ಸ್ ನ ಅಂತರದಿಂದ ಮಣಿಸಿತು. ಉತ್ತಮ ಆಟಗಾರ್ತಿ ಪ್ರಶಸ್ತಿಯನ್ನು ಆಳ್ವಾಸ್ ತಂಡದ ಪ್ರೇಕ್ಷಾ ಪಡೆದುಕೊಂಡರು. ವಿಜೇತ ವಿದ್ಯಾರ್ಥಿಗಳನ್ನು ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ ಎಂ .ಮೋಹನ ಆಳ್ವ ಅಭಿನಂದಿಸಿದರು.
