ನ್ಯೂಸ್ ನಾಟೌಟ್ : ಕರಾವಳಿಯ ಖ್ಯಾತ ಕಾಲೇಜೊಂದರ ಕ್ಯಾಂಪಸ್‌ನಲ್ಲಿ ಮೂಕ ಪ್ರಾಣಿಯ ಮೇಲೆ ಅಮಾನವೀಯ ಪೌರುಷ ತೋರಿಸಿದ ನೀಚ ಕೃತ್ಯ ನಡೆದಿದೆ. ಮೂಕ ಶ್ವಾನವನ್ನು ಎಲ್ಲರ ಕಣ್ಣೆದುರೇ ನಿರ್ದಯವಾಗಿ ಕೋಲಿನಿಂದ ಹೊಡೆದು ಹತ್ಯೆಗೈಯಲಾಗಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಶಿರ್ವ ಕಾಲೇಜು ಆವರಣದಲ್ಲಿದುಷ್ಕೃತ್ಯ ನಡೆದಿದೆ. ಬಂಟಕಲ್ ಮಧ್ವ ವಾದಿರಾಜ ಕಾಲೇಜಿನ ಆವರಣದಲ್ಲಿ ವಾರ್ಡನ್ ರಾಜೇಶ್ ಮತ್ತು ಗಾರ್ಡನರ್ ನಾಗರಾಜ್ ಎಂಬುವವರು ಸೇರಿ ಶ್ವಾನವನ್ನು ಕೂಲಿನಿಂದ ಹೊಡೆದು ಸಾಯಿಸಿದ್ದಾರೆ. ನರಳಿ ..ನರಳಿ ಶ್ವಾನ ಪ್ರಾಣ ಬಿಟ್ಟಿದೆ. ಇದನ್ನು ವಿದ್ಯಾರ್ಥಿಯೊಬ್ಬ ವಿಡಿಯೋ ಮಾಡಿ ಜಾಲತಾಣದಲ್ಲಿ ಹರಿಯ ಬಿಟ್ಟಿದ್ದಾನೆ. ಸದ್ಯ ಶ್ವಾನವನ್ನು ನಿರ್ದಯವಾಗಿ ಥಳಿಸಿದ ಇಬ್ಬರನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.
ಶ್ವಾನವನ್ನು ಭೀಕರವಾಗಿ ಹೊಡೆದು ಕೊಂದ ಪ್ರಕರಣದ ಬಗ್ಗೆ ಉಷಾ ಅನ್ನುವವರು ವ್ಯಾಪಕ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಅವರು ಫೇಸ್‌ ಬುಕ್ ನಲ್ಲಿ ಬರೆದುಕೊಂಡು ನೋವು ತೋಡಿಕೊಂಡಿರುವುದು ಹೀಗಿದೆ, ಒಂದು ಮೂಕ ಪ್ರಾಣಿಯನ್ನು ಕ್ಯಾಂಪಸ್‌ನಲ್ಲಿ ಹೀಗೆ ಹತ್ಯೆ ಮಾಡಿರುವುದು ನಿಜಕ್ಕೂ ಮನಸ್ಸಿಗೆ ಆಘಾತ ತಂದಿದೆ. ನಮ್ಮಲ್ಲಿರುವ ಮಾನವೀಯತೆ ಎಲ್ಲಿ ಹೋಯಿತು?, ಮೂಕ ಪ್ರಾಣಿಗಳ ಮೇಲೆ ಯಾಕೆ ಇಂತಹ ದೌರ್ಜನ್ಯವಾಗುತ್ತಿದೆ? ಅವುಗಳು ಮಾಡಿದ ತಪ್ಪಾದರೂ ಏನು? ಶ್ವಾನ ಸಾಯುವ ಸಂದರ್ಭದಲ್ಲಿ ಅದೆಷ್ಟು ನೋವು ತಿಂದಿದೆಯೋ ಗೊತ್ತಿಲ್ಲ. ಅಂತಹ ಪಾಪಿಗಳು ಭೂಮಿ ಮೇಲೆ ಬದುಕಿರಲೇಬಾರದು. ಅವರಿಗೆ ಆದಷ್ಟು ಬೇಗ ಆ ಭಗವಂತ ಶಿಕ್ಷೆ ನೀಡಲೇಬೇಕು ಎಂದು ಪ್ರಾರ್ಥಿಸಿದ್ದಾರೆ.
