ನ್ಯೂಸ್ ನಾಟೌಟ್: ಮನೋರಂಜನಾತ್ಮಕ ದೃಶ್ಯಗಳು ಅತ್ಯಂತ ವೇಗವಾಗಿ ಪ್ರಸಿದ್ದಿ ಪಡೆಯಲು ಜಾಲತಾಣ ಉತ್ತಮ ವೇದಿಕೆ ಅಂತಾನೆ ಹೇಳಬಹುದು. ಸಾಮಾನ್ಯವಾಗಿ ಅಂತಹ ದೃಶ್ಯಗಳು ಅತೀ ಹೆಚ್ಚು ಜನರ ಗಮನ ಸೆಳೆಯುತ್ತವೆ.
ಇಂತಹ ಒಂದು ಘಟನೆಗೆ ಬೆಂಗಳೂರು ಟ್ರಾಫಿಕ್ ಸಾಕ್ಷಿಯಾಗಿದೆ. ಇತ್ತೀಚಿಗೆ ಬೈಕ್ ಸವಾರನೊಬ್ಬರು ತನ್ನ ಸಾಕು ಪ್ರಾಣಿಗಳ ಮೇಲೆ ವಿಭಿನ್ನವಾಗಿ ಪ್ರೀತಿ ತೋರಿದ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಬಾರಿ ಸದ್ದು ಮಾಡುತ್ತಿದೆ. ಈ ವಿಡಿಯೋದಲ್ಲಿ ಬೈಕ್ ಸವಾರನು ತನ್ನ ಬೈಕಿನಲ್ಲಿ ಮುದ್ದಾದ ಎರಡು ಬೆಕ್ಕುಗಳನ್ನು ಕುಳ್ಳಿರಿಸಿ ಸವಾರಿ ಹೋಗುವುದು ಕಾಣಬಹುದು.
ಈ ದೃಶ್ಯ ವನ್ನು ಸವಾರನೊಬ್ಬರು ಅದೇ ಮಾರ್ಗವಾಗಿ ಹೋಗುತಿದ್ದ ವೇಳೆ ಮೊಬೈಲ್ ನಲ್ಲಿ ಸೆರೆ ಹಿಡಿದಿದು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ “ಔಟರ್ ರಿಂಗ್ ರೋಡ್ ನಲ್ಲಿ ಸಿಕ್ಕ ವಿಭಿನ್ನ ವ್ಯಕ್ತಿ” ಎಂಬ ತಲೆಬರಹದೊಂದಿಗೆ ಹಂಚಿಕೊಂಡಿದ್ದಾರೆ. ಈ ವಿಡಿಯೋ ಜಾಲತಾಣದಲ್ಲಿ ಭರ್ಜರಿ ಪ್ರತಿಕ್ರಿಯೆ ಪಡೆದಿದ್ದು 1.62 ಲಕ್ಷಕ್ಕೂ ಹೆಚ್ಚು ಜನರಿಂದ ವೀಕ್ಷಿಸಲ್ಪಟ್ಟು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತದೆ.
ಇತ್ತೀಚೆಗೆ ಅರುಣ್ ಗೌಡ ಅವರು ತನ್ನ ಟ್ವೀಟರ್ ಖಾತೆಯಲ್ಲಿ ಬೈಕ್ ಸವಾರ ಮತ್ತು ಅತನ ಮುದ್ದಾದ ಬೆಕ್ಕುಗಳು ವಿಶ್ರಾಂತಿ ಬಂಗಿಯಲ್ಲಿ ಕುಳಿತಿರುವ ವೀಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ. ಚಲಿಸುತ್ತಿರುವ ಬೈಕ್ ನಲ್ಲಿ ಸವಾರನ ಬೆನ್ನ ಚೀಲದ ಮೇಲೆ ಒಂದು ಬೆಕ್ಕು ಕುಳಿತಿದ್ದು, ಇನ್ನೊಂದು ಬೆಕ್ಕು ಇಂಜಿನ್ ಟ್ಯಾಂಕ್ ಮೇಲೆ ಯಾವುದೇ ಆಧಾರಗಳಿಲ್ಲದೆ ಕುಳಿತಿರುವುದು ಕಂಡುಬಂದಿದೆ. ಇದಲ್ಲದೆ ಇಂಜಿನ್ ಟ್ಯಾಂಕ್ ಮೇಲೆ ಬೆಕ್ಕು ನಿಶ್ಚಿಂತೆಯಿಂದ ಸ್ವಲ್ಪ ಚಲಿಸುವುದನ್ನು ಕಾಣಬಹುದು.
ಇದರಿಂದ ಕೆಲ ಪ್ರಾಣಿ ಪ್ರಿಯರು ಸಂತಸ ವ್ಯಕ್ತಪಡಿಸಿದ್ದು, ಇನ್ನು ಕೆಲವರು ಸವಾರನ ಅಜಾಗರುಕತೆಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
