ನ್ಯೂಸ್ ನಾಟೌಟ್ : ಖುಷಿಯಾದಾಗ ಸಂಭ್ರಮಿಸಬೇಕು.ಆದರೆ ಯಾವುದೇ ಅಪಾಯಗಳು ಸಂಭವಿಸದಂತೆ ಜಾಗರೂಕರಾಗಿಬೇಕಲ್ವ..ಜೀವಕ್ಕಿಂತಲೂ ಸಂಭ್ರಮವೇ ಮುಖ್ಯನಾ?ಇಲ್ಲೊಬ್ಬ ಯುವಕ ಸಿನಿಮಾ ರಿಲೀಸ್ ಆಯ್ತು ಅಂತ ಸಂಭ್ರಮ ಪಡಲು ಹೋಗಿ ತನ್ನ ಪ್ರಾಣವನ್ನೇ ಕಳೆದುಕೊಂಡ ದುರ್ಘಟನೆ ನಡೆದಿದೆ.ತನ್ನ ನೆಚ್ಚಿನ ಹಿರೋ ಅಭಿನಯಿಸಿದ ಮೂವಿ ತೆರೆಗೆ ಕಂಡಿತು ಅನ್ನುವ ಖುಷಿಯಲ್ಲಿ ತೇಲಾಡಿದ ಯುವಕ ಟ್ರಕ್ ನಿಂದಲೇ ಕೆಳಕ್ಕೆ ಹಾರಿದ್ದಾನೆ.ಪರಿಣಾಮ ತನ್ನ ಪ್ರಾಣವನ್ನೇ ಕಳೆದುಕೊಂಡಿದ್ದಾನೆ.
ಫ್ಯಾನ್ಸ್‌ಗಳ ನಡುವೆ ವಾರ್
ನಿಮ್ಗೆಲ್ಲಾ ಗೊತ್ತಿರೋ ಹಾಗೆ ಇಂದು ತಮಿಳುನಾಡು ಜನತೆಗೆ ಮನರಂಜನೆಯ ಹಬ್ಬ. ಸ್ಟಾರ್ ನಟರಾದ ತಲ ಅಜಿತ್ ಅಭಿನಯದ ತುನಿವು ಮತ್ತು ಇಳಯದಳಪತಿ ವಿಜಯ್ ನಟನೆಯ ವಾರಿಸು ಸಿನಿಮಾ ಇಂದು ಬಿಡುಗಡೆಯಾಗಿದೆ. ಹೀಗಾಗಿ ಸಹಜವಾಗಿಯೇ ಇಬ್ಬರು ಫ್ಯಾನ್ಸ್‌ಗಳ ನಡುವೆ ವಾರ್ ಶುರುವಾಗಿದೆ. ಒಂದು ಕಡೆ ನೆಚ್ಚಿನ ನಟರ ಸಿನಿಮಾ ಬಿಡುಗಡೆಯ ಸಂಭ್ರಮವಾದರೆ, ಇನ್ನೊಂದು ಕಡೆ ಫ್ಯಾನ್ಸ್ ವಾರ್‌ನಿಂದ ಅನಾಹುತಗಳು ಸಂಭವಿಸುವ ಆತಂಕವು ಎದುರಾಗಿದೆ. ಇದರ ನಡುವೆ ದುರಂತವೊಂದು ನಡೆದೇ ಬಿಟ್ಟಿದೆ.
ಘಟನೆ ಸಂಭವಿಸಿದ್ದೇಗೆ?
ತುನಿವು ಸಿನಿಮಾ ಬಿಡುಗಡೆಯನ್ನು ಸಂಭ್ರಮಿಸುವ ವೇಳೆ ಅಜಿತ್ ಅಭಿಮಾನಿಯೊಬ್ಬ ಟ್ರಕ್ ಮೇಲಿಂದ ಬಿದ್ದು ಸಾವಿಗೀಡಾಗಿದ್ದಾನೆ. ಮೃತ ಅಭಿಮಾನಿಯನ್ನು ಭರತ್ ಕುಮಾರ್ ಎಂದು ಗುರುತಿಸಲಾಗಿದೆ. ಮಧ್ಯರಾತ್ರಿ 1 ಗಂಟೆಗೆ ಬಿಡುಗಡೆಯಾದ ಸಿನಿಮಾವನ್ನು ನೋಡಲು ಅಭಿಮಾನಿ ಟ್ರಕ್‌ನಲ್ಲಿ ಬರುತ್ತಿದ್ದ. ಈ ವೇಳೆ ಸಂಭ್ರಮಾಚರಣೆ ಮಾಡುವಾಗ ಟ್ರಕ್‌ನಿಂದ ಕೆಳಗೆ ಬಿದ್ದು ಗಂಭೀರವಾಗಿ ಗಾಯಗೊಂಡಿದ್ದ. ಬಳಿಕ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ, ಚಿಕಿತ್ಸೆ ಫಲಿಸದೇ ಮೃತಪಟ್ಟಿದ್ದಾನ. ಚೆನ್ನೈನ ರೋಹಿಣಿ ಚಿತ್ರಮಂದಿರ ಬಳಿ ಇರುವ ಪೂನಮಲ್ಲೆ ಹೆದ್ದಾರಿಯಲ್ಲಿ ಟ್ರಕ್‌ನಿಂದ ಕೆಳಗೆ ಬಿದ್ದು ಸಾವಿಗೀಡಾಗಿರುವುದಾಗಿ ತಿಳಿದುಬಂದಿದೆ.ತುನಿವು ಥ್ರಿಲ್ಲರ್ ಸಿನಿಮಾ ಆಗಿದ್ದು ಎಚ್.ವಿನೋದ್ ಚಿತ್ರಕತೆ ಬರೆದು ನಿರ್ದೇಶಿಸಿದ್ದಾರೆ. ಚಿತ್ರವನ್ನು ಬೋನಿ ಕಪೂರ್‌ ನಿರ್ಮಿಸಿದ್ದಾರೆ. ಅಜಿತ್ ಕುಮಾರ್, ಮಂಜು ವಾರಿಯರ್, ಜಾನ್ ಕೊಕ್ಕೆನ್, ಸಮುದ್ರಕನಿ ಮತ್ತು ಜಿಎಂ ಸುಂದರ್‌ ಮುಂತಾದವರ ತಾರಾಗಣ ಇದೆ.
