ನ್ಯೂಸ್ ನಾಟೌಟ್ : ಕನ್ನಡ ಸಿನಿಮಾ ರಂಗದ ರಾಕಿಂಗ್ ಸ್ಟಾರ್‌, ರಾಜಾಹುಲಿ ಖ್ಯಾತಿಯ ಯಶ್ ಅವರ ಮುಂದಿನ ಸಿನಿಮಾ ಯಾವುದು ಅನ್ನುವುದು ಸಾಕಷ್ಟು ಕುತೂಹಲ ಕೆರಳಿಸಿದೆ. ಇಂದು ಯಶ್ ಅವರ ಹುಟ್ಟು ಹಬ್ಬದ ಸಂಭ್ರಮ. ಆದರೆ ಯಶ್ ಹುಟ್ಟು ಹಬ್ಬಕ್ಕಿಂತ ಯಾವುದೋ ಒಂದು ಸಿನಿಮಾ ಶೂಟಿಂಗ್ ಕಾರ್ಯದ ಹಿಂದೆ ಬ್ಯುಸಿಯಾಗಿದ್ದಾರೆ. ಆದರೆ ಆ ಸಿನಿಮಾ ಯಾವುದು ಅನ್ನುವುದನ್ನು ಯಶ್ ಇದುವರೆಗೆ ಬಹಿರಂಗ ಪಡಿಸಿಲ್ಲ. ಸಹಜವಾಗಿಯೇ ಇದು ಅಭಿಮಾನಿಗಳಲ್ಲಿ ಭಾರಿ ಕುತೂಹಲವನ್ನುಕೆರಳಿಸಿದೆ.
ಕೆಜಿಎಫ್ ಭಾಗ ೧ ಹಾಗೂ ಕೆಜಿಎಫ್ ಭಾಗ ೨ ಸಾಕಷ್ಟು ಹಿಟ್ ಆದ ಬಳಿಕ ಕೆಜಿಎಫ್ ೩ನೇ ಭಾಗ ಬರಬಹುದಾ? ಅನ್ನುವ ನಿರೀಕ್ಷೆ ಇದೆ. ಆದರೆ ಯಶ್ ಈ ಬಗ್ಗೆ ಮೌನ ವಹಿಸಿದ್ದಾರೆ. ಹುಟ್ಟು ಹಬ್ಬವನ್ನು ಇನ್ನೊಂದು ಸಲ ಆಚರಿಸೋಣ, ಈ ಸಲ ನಿಮ್ಮೊಂದಿಗೆ ಇರಲು ನನಗೆ ಸಾಧ್ಯವಾಗುತ್ತಿಲ್ಲ. ಮುಂದಿನ ದಿನದಲ್ಲಿ ಸಂಭ್ರಮದೊಂದಿಗೆ ಹೊಸ ವಿಷಯದೊಂದಿಗೆ ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಆಚರಿಸಿಕೊಳ್ಳುತ್ತೇನೆ ಎಂದು ಯಶ್ ತಿಳಿಸಿದ್ದಾರೆ. ಅಲ್ಲದೆ ಶೀಘ್ರದಲ್ಲೇ ದುಬೈನಿಂದ ವಾಪಸ್ ಬಂದ ತಕ್ಷಣ ಹೊಸ ಸಿನಿಮಾದ ಬಗ್ಗೆ ಮಾತನಾಡುವುದಾಗಿ ತಿಳಿಸಿದ್ದಾರೆ.
ಸದ್ಯ ದುಬೈಗೆ ಹಾರಿಗೋ ಯಶ್ ಮತ್ತು ಫ್ಯಾಮಿಲಿ ಫುಲ್ ಬರ್ತ್ ಡೇ ಸೆಲೆಬ್ರೆಷನ್ ಮಾಡ್ತಿದ್ದಾರೆ. ಇದರ ನಡುವೆಯೇ ಯಶ್ ಅವರ ೧೯ನೇ ಸಿನಿಮಾ ಮಾಡೋದು ಖಚಿತವಾಗಿದೆ. ಅದು ಬೇರೆ ಕೆವಿನ್ ಪ್ರೊಡಕ್ಷನ್ ಅಡಿಯಲ್ಲಿ ಸಿನಿಮಾ ಮಾಡಲಿದ್ದಾರೆ. ಇದಕ್ಕೆ ಸಾಕ್ಷಿ ಎಂಬಂತೆ ನಿರ್ಮಾಪಕ ವೆಂಕಟ್ ಕೊಣಂಕಿ ನಾರಾಯಣ ಅವರ ಜೊತೆ ಯಶ್ ಫೋಟೋ ತೆಗೆಸಿಕೊಂಡಿರುವುದು ವೈರಲ್ ಆಗಿದೆ.
