ನ್ಯೂಸ್ ನಾಟೌಟ್ : ಸರಣಿ ಭೂಕಂಪದ ಹೊಡೆತಕ್ಕೆ ಸಿಲುಕಿ ಕಳೆದ ಕೆಲವು ತಿಂಗಳಿನಿಂದ ಶಾಂತವಾಗಿದ್ದ ಸುಳ್ಯ ತಾಲೂಕಿನಲ್ಲಿ ಮತ್ತೆ ಭೂಕಂಪದ ಅನುಭವ ಆಗಿದೆ.
ಇದೀಗ ಸುಳ್ಯ ತಾಲೂಕಿನ ಮಡಪ್ಪಾಡಿಯಲ್ಲಿ ಸಂಜೆ ೭.೩೨ರ ಹೊತ್ತಿಗೆ ಲಘು ಕಂಪನದ ಅನುಭವ ಆಗಿದೆ ಎಂದು ತಿಳಿದು ಬಂದಿದೆ. ಇದರಿಂದ ಗ್ರಾಮದ ಜನರು ಆತಂಕಕ್ಕೀಡಾಗಿ ಮನೆಯಿಂದ ಹೊರ ಬಂದರು ಎಂದು ತಿಳಿದು ಬಂದಿದೆ. ಮಡಪ್ಪಾಡಿ ಗ್ರಾಮದ ಕಡ್ಯ , ಹಾಡಿಕಲ್ಲು ಗ್ರಾಮದಲ್ಲಿ ಭಾರಿ ಶಬ್ಧದೊಂದಿಗೆ ಭೂಮಿ ನಡುಗಿದ ಅನುಭವ ಆಗಿದೆ ಎಂದು ಊರಿನವರು ಹೇಳುತ್ತಿದ್ದಾರೆ. ಈ ಹಿಂದೆ ಸಂಪಾಜೆ, ಚೆಂಬು, ಕರಿಕೆ, ಅರಂತೋಡು, ತೊಡಿಕಾನ, ಪೆರಾಜೆ, ಗೂನಡ್ಕ ಸೇರಿದಂತೆ ಸುಳ್ಯ ತಾಲೂಕಿನ ಹಲವು ಕಡೆ ಕಳೆದ ಐದಾರು ತಿಂಗಳ ಹಿಂದೆ ಸರಣಿ ಭೂಕಂಪ ಆಗಿದ್ದನ್ನು ಸ್ಮರಿಸಬಹುದು.
