ನ್ಯೂಸ್ ನಾಟೌಟ್: ವಿಜ್ಞಾನ ತಂತ್ರಜ್ಙಾನವು ಎಷ್ಟೇ ಮುಂದುವರೆದರೂ ನಾವು ಮಾಡುವ ಪ್ರತಿ ಕೆಲಸದಲ್ಲೂ ದೇವರಿದ್ದಾನೆ ಅನ್ನುವ ನಂಬಿಕೆ ಅನೇಕ ಭಕ್ತರಲ್ಲಿದೆ. ಕಲಿಯುಗದಲ್ಲಿ ಹಲವಾರು ಅಚ್ಚರಿಗಳು ನಡೆಯುತ್ತಿವೆ. ಇಂತಹ ಸಂದರ್ಭದಲ್ಲಿ ರಾಮನಗರದ ಶಿವ ದೇಗುಲವೊಂದರಲ್ಲಿ ಶಿವ ಲಿಂಗವು ಕಣ್ಣು ಬಿಟ್ಟ ವಿಸ್ಮಯವೊಂದು ನಡೆದಿದೆ. ಈ ವಿಚಾರ ಗೊತ್ತಾಗುತ್ತಿದ್ದಂತೆ ಊರ-ಪರವೂರಿನಿಂದ ಭಾರಿ ಸಂಖ್ಯೆಯಲ್ಲಿ ಭಕ್ತ ಜನರು ಆಗಮಿಸಿ ದೇವರಿಗೆ ಪೂಜೆ ಸಲ್ಲಿಸುತ್ತಿದ್ದಾರೆ.
ರಾಮನಗರ ಜಿಲ್ಲೆಯ ಮಾಗಡಿ ಕೆಎಸ್‌ಆರ್‌ಟಿಸಿ ಬಸ್ ನಿಲ್ದಾಣದ ಸಮೀಪವಿರುವ ಪುರಾತನ ಕಾಲದ ಉಮಾಮಹೇಶ್ವರಿ ದೇಗುಲದಲ್ಲಿ ಇಂಥದ್ದೊಂದು ಪವಾಡ ನಡೆದಿದೆ. ಸಂಜೆ 6.30ರ ಸುಮಾರಿಗೆ ಪೂಜೆ ಅಲಂಕಾರ ಮಾಡಿದ್ದ ವೇಳೆ ಲಿಂಗದ ಮೇಲ್ಕಣದಲ್ಲಿ ಕಣ್ಣುಗಳ ಆಕಾರ ಕಾಣಿಸಿಕೊಂಡು, 9 ಗಂಟೆ ಸುಮಾರಿಗೆ ಕಣ್ಣು ಮುಚ್ಚಿದೆ ಎಂದು ಹೇಳಲಾಗುತ್ತಿದೆ. ಶಿವಲಿಂಗ ಕಣ್ಣು ಬಿಟ್ಟ ಫೋಟೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಫುಲ್ ವೈರಲ್ ಆಗುತ್ತಿದೆ.
