ನ್ಯೂಸ್ ನಾಟೌಟ್ : ಓವರ್ ಟೆಕ್ ಮಾಡುವ ಭರದಲ್ಲಿ ಈಚರ್ ಲಾರಿಯೊಂದು ಬೈಕ್ ಗೆ ಗುದ್ದಿದ ಪರಿಣಾಮ ಬೈಕ್ ಸವಾರ ಗಾಯಗೊಂಡ ಘಟನೆ ಸಂಪಾಜೆಯ ಕೈಪಡ್ಕ ರಸ್ತೆಯ ಸಮೀಪ ನಡೆದಿದೆ.
ಗುರುವಾರ ಬೆಳಗ್ಗೆ ೧೦.೩೦ಕ್ಕೆ ಸಂಪಾಜೆ ಕಡೆಗೆ ಲೈನ್ ಮ್ಯಾನ್ ಮೆಹಬೂಬ್ ಅವರು ಕಾರ್ಯ ನಿಮಿತ್ತ ಹೊರಟ್ಟಿದ್ದರು. ಈ ವೇಳೆ ಮಡಿಕೇರಿಗೆ ತೆರಳುತ್ತಿದ್ದ ಈಚರ್ ಲಾರಿ ಚಾಲಕ ಓವರ್ ಟೆಕ್ ಮಾಡುವಾಗ ಬೈಕ್ ನ ಹ್ಯಾಂಡಲ್ ಗೆ ತಾಗಿ ಬೈಕ್ ಪಲ್ಟಿಯಾಗಿದೆ. ಅದೃಷ್ಟವಶಾತ್ ಹೆಲ್ಮೆಟ್ ಹಾಕಿದ್ದರಿಂದ ಮೆಹಬೂಬ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ನೆರದಿದ್ದ ಸ್ಥಳೀಯರು ಅಜಾಗರೂಕತೆಯ ಚಾಲನೆ ಮಾಡಿದ ಚಾಲಕನನ್ನು ಹಿಗ್ಗಾಮುಗ್ಗಾ ತರಾಟೆಗೆ ತೆಗೆದುಕೊಂಡಿದ್ದಾರೆ. ಮೆಹಬೂಬ ಅವರು ಚೆಂಬು ಗ್ರಾಮದ ಲೈನ್ ಮ್ಯಾನ್ ಎಂದು ಹೇಳಲಾಗಿದೆ. ಸದ್ಯ ಗಾಯಾಳುವನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
