ನ್ಯೂಸ್ ನಾಟೌಟ್: ಕಾಣಿಯೂರು ಬೈತಡ್ಕ ಹೊಳೆಗೆ ಕಾರು ಬಿದ್ದ ಪ್ರಕರಣದಲ್ಲಿ ನಾಪತ್ತೆಯಾಗಿದ್ದ ಇಬ್ಬರು ಯುವಕರ ಮೃತದೇಹವನ್ನು ಹುಡುಕುವುದಕ್ಕೆ ಅಗ್ನಿ ಶಾಮಕ ದಳ ಹಾಗೂ ಸ್ಥಳೀಯರು ಪ್ರಯತ್ನ ನಡೆಸುತ್ತಿದ್ದರೆ ಇತ್ತ ಒಬ್ಬ ಅಜ್ಜ ನೀರಿಗೆ ಇಳಿದು ನಾನೂ ಹುಡುಕುತ್ತೇನೆ ಎಂದು ಮೊಂಡುವಾದ ನಡೆಸುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಎಲ್ಲರೂ ನದಿ ಬದಿಯಲ್ಲಿ ತಲೆಬಿಸಿಯಲ್ಲಿದ್ದಾಗಲೇ ತಾತಪ್ಪಯ್ಯ ಮಾತ್ರ ಚಡ್ಡಿಯಲ್ಲಿ ನೀರಿಗೆ ಇಳಿದು ಹುಡುಕಾಟ ನಡೆಸುತ್ತಿರುವವರಿಗೆ ತೊಂದರೆ ಮಾಡಿದ್ದಾರೆ. ಉಕ್ಕಿ ಹರಿಯುತ್ತಿರುವ ನೀರಿನಲ್ಲಿ ಕಪಿ ಚೇಷ್ಟೇ ಮಾಡಿರುವ ತಾತಯ್ಯನ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಒಡಾಡುತ್ತಿದೆ. ಕೆಲವರು ಅಜ್ಜ ನಿಗೆ ಒಳ್ಳೆಯ ಅನುಭವವಿದೆ, ಅವರು ಸಹಾಯ ಮಾಡುತ್ತಿದ್ದಾರೆ ಎಂದು ಕಮೆಂಟ್ ಮಾಡುತ್ತಿದ್ದರು.ಇನ್ನು ಕೆಲವರು ಅಜ್ಜನನ್ನು ಒಂದು ಸಲ ನೀರಿನಲ್ಲಿ ಮುಳುಗಿಸಿ ಮೇಲಕ್ಕೆತ್ತಿ ಎನ್ನುತ್ತಿದ್ದಾರೆ. ಒಟ್ಟಿನಲ್ಲಿ ಅಜ್ಜನ ಈ ತುಂಟಾಟದ ವೀಡಿಯೋ ನೋಡಿದವರು ತುಂಬಿ ಹರಿಯುತ್ತಿರುವ ನೀರಿನಲ್ಲಿ ಅಜ್ಜನ ಸಾಹಸ ಪ್ರದರ್ಶನಕ್ಕೆ ಮೆಚ್ಚುಗೆ ಮಾತುಗಳನ್ನೂ ಆಡಿದ್ದಾರೆ.
