ನ್ಯೂಸ್ ನಾಟೌಟ್: ಬಾಲಿವುಡ್ ನಟಿ ಐಶ್ವರ್ಯಾ ರೈ ವಿಶ್ವದ ಅತ್ಯಂತ ಸುಂದರ ಮಹಿಳೆಯರಲ್ಲಿ ಒಬ್ಬರು. ಯಾವುದೇ ಶಸ್ತ್ರಚಿಕಿತ್ಸೆ ಮತ್ತು ಮೇಕ್ಅಪ್ ಇಲ್ಲದೆಯೂ ಐಶ್ವರ್ಯಾ ಯಾವಾಗಲೂ ತುಂಬಾ ಸುಂದರವಾಗಿ ಕಾಣಿಸಿಕೊಳ್ಳುತ್ತಾರೆ. ಇನ್ನು ಐಶ್ವರ್ಯಾ ಅವರ ಪಾಸ್ ಪೋರ್ಟ್ ಸೋಷಿಯಲ್ ಮೀಡಿಯಾದಲ್ಲಿ ಕಾಣಿಸಿಕೊಂಡಿದ್ದು, ಹೆಚ್ಚು ವೈರಲ್ ಆಗುತ್ತಿದೆ. ಈ ಪಾಸ್ ಪೋರ್ಟ್ ನಲ್ಲಿರುವ ಐಶ್ವರ್ಯಾ ಅವರ ಒಂದು ವಿವರ ಎಲ್ಲರನ್ನೂ ಆಶ್ಚರ್ಯಗೊಳಿಸುತ್ತಿದೆ.
ಹಳೆಯ ಪಾಸ್ ಪೋರ್ಟ್ ನಲ್ಲಿ ವಿಶ್ವ ಸುಂದರಿಯ ದಶಕಗಳ ಹಳೆಯ ಚಿತ್ರವನ್ನು ನೋಡಿದ ಅಭಿಮಾನಿಗಳು ತುಂಬಾ ಆಶ್ಚರ್ಯಚಕಿತರಾಗಿದ್ದಾರೆ. ವಾಸ್ತವವಾಗಿ, ಸಾಮಾನ್ಯವಾಗಿ ಸರಕಾರಿ ಐಡಿಯಲ್ಲಿರುವ ಜನರ ಚಿತ್ರವು ತುಂಬಾ ಚೆನ್ನಾಗಿ ಕಾಣುವುದಿಲ್ಲ. ಆದರೆ ಐಶ್ವರ್ಯಾ ಅವರ ಪಾಸ್‌ಪೋರ್ಟ್‌ನಲ್ಲಿರುವ ಸುಂದರ ಚಿತ್ರವು ಎಲ್ಲರನ್ನೂ ಮನಸೂರೆಗೊಳಿಸಿದೆ. ಪಾಸ್‌ಪೋರ್ಟ್‌ನಲ್ಲಿ ಐಶ್ವರ್ಯಾ ಅವರ ಚಿತ್ರವನ್ನು ನೋಡಿದ ನಂತರ, ಈ ರೀತಿ ಅಂದವಾಗಿ ಯಾರೊಬ್ಬರು ಫೋಟೋ ಸಹ ದಾಖಲೆಗಳಲ್ಲಿ ಮೂಡಿ ಬರುವುದಿಲ್ಲ. ಬಹುಶಃ ಇದು ಮೊದಲ ಮತ್ತು ಕೊನೆಯ ಬಾರಿ ಆಗಿರಬಹುದು ಎಂದು ಹೇಳಲಾಗುತ್ತದೆ.
