ನ್ಯೂಸ್ ನಾಟೌಟ್: ಡ್ರಾಮಾ ಜೂನಿಯರ್‌ ಖ್ಯಾತಿಯ ತುಷಾರ್ ಗೌಡ ಹೊಸ ಕನ್ನಡ -ತುಳು ಸಿನಿಮಾದಲ್ಲಿ ಬಣ್ಣ ಹಚ್ಚಲು ಸಿದ್ಧವಾಗಿದ್ದಾರೆ.
ತುಳು ನಾಡಿನ ಜನರ ಆರಾಧ್ಯ ದೈವವಾಗಿರುವ ಸ್ವಾಮಿ ಕೊರಗಜ್ಜನ ಮಹಿಮೆಯನ್ನು ಸಾರುವ ‘ಸಾರ್ಲಪಟ್ಟದ ಮಾಯೆ ಸ್ವಾಮಿ ಶ್ರೀಕೊರಗಜ್ಜ’ ಎಂಬ ಸಿನಿಮಾದಲ್ಲಿ ಅವರು ಕೊರಗಜ್ಜನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಸುನಿಧಿ ಕ್ರಿಯೇಷನ್ಸ್ ಮಿಜಾರು ಬ್ಯಾನರ್ ನಡಿಯಲ್ಲಿ ಸಿನಿಮಾವನ್ನು ನಿರ್ಮಾಣ ಮಾಡಲಾಗುತ್ತಿದೆ. ಈಗಾಗಲೇ ಸಿನಿಮಾದ ಮುಹೂರ್ತ ಕಾರ್ಯಕ್ರಮವನ್ನು ಕೊರಗಜ್ಜನ ಮೂಲಸ್ಥಾನ ಕುತ್ತಾರುಪದವಿನಲ್ಲಿ ನಡೆಸಲಾಗಿದೆ. ಶ್ರೀಮತಿ ಸುಜಾತ ನವೀನ್ ಮಿಜಾರು ಸಿನಿಮಾವನ್ನು ನಿರ್ಮಾಣ ಮಾಡಿದ್ದಾರೆ. ಚಿತ್ರಕ್ಕೆ ಆನಂದ್ಎರ್ಮಾಳ್ ನಿರ್ದೇಶನವಿದೆ, ಬಿ ಎ ಲೋಕಯ್ಯಶಿಶಿಲ ಚಿತ್ರ ಕಥೆ, ಶಿವರಾಮನಗರ ಸಹ ನಿರ್ದೇಶನವಿದೆ.
