ಕಾಸರಗೋಡು: ಕೇರಳದ ಕಾಸರಗೋಡಿನಲ್ಲಿ ರಾಷ್ಟ್ರೀಯ ಚತುಷ್ಪಥ ಹೆದ್ದಾರಿ ನಿರ್ಮಾಣವಾಗುತ್ತಿರುವ ಸಂದರ್ಭದಲ್ಲಿ ಹೆಬ್ಬಾವಿನ ಮೊಟ್ಟೆಗಳು ಕಂಡು ಬಂದಿದ್ದು ಈ ಹಿನ್ನೆಲೆಯಲ್ಲಿ ಬರೋಬ್ಬರಿ 54 ದಿನ ಇಡೀ ಕಾಮಗಾರಿಯನ್ನೇ ನಿಲ್ಲಿಸಿದ ಅಪರೂಪದ ಘಟನೆ ನಡೆದಿದೆ.
ಉರಾಲುಂಗಲ್ ಲೇಬರ್ ಕಾಂಟ್ರಾಕ್ಟ್ ಕೋ-ಆಪರೇಟಿವ್ ಸೊಸೈಟಿ ಲಿ, 54 ದಿನಗಳ ಕಾಲ ಕಾಮಗಾರಿ ಸ್ಥಗಿತಗೊಳಿಸುವ ಮೂಲಕ ತಾಯಿ ಹೆಬ್ಬಾವು 24 ಮೊಟ್ಟೆಗಳಿಗೆ ಕಾವು ಕೊಡುವ ಮೂಲಕ ಮರಿ ಹೊರ ಜಗತ್ತಿಗೆ ಬರಲು ಅವಕಾಶ ಮಾಡಿಕೊಟ್ಟಿದೆ. ಈ ಕಾರ್ಯದಲ್ಲಿ ಅರಣ್ಯ ಇಲಾಖೆ, ಕಂಪನಿ ಮತ್ತು ಉರಗ ರಕ್ಷಕರು, ಎಲ್ಲಾ ಹಾವಿನ ಮರಿಗಳನ್ನು ಜಗತ್ತಿನ ಹೊರಗೆ ತರಲು ಸಂಘಟಿತ ಪ್ರಯತ್ನ ನಡೆಸಿದ್ದಾರೆ. ಎಲ್ಲಾ ೨೪ ಮೊಟ್ಟೆಗಳು ಒಡೆದಿದ್ದು, ೧೫ ಮರಿಗಳನ್ನು ಕಾಡಿಗೆ ಬಿಡಲಾಗಿದ್ದು ಸೋಮವಾರ ರಾತ್ರಿ ೯ ಮರಿಗಳನ್ನು ಬಿಡಲಾಗುವುದು ಎಂದು ಹಾವು ರಕ್ಷಕ ಅಮೀನ್ ಅಡ್ಕತ್ಬೈಲ್ ಭಾನುವಾರ ಹೇಳಿದರು.
ರಾಷ್ಟ್ರೀಯ ಹೆದ್ದಾರಿ ೬೬ ರ ಅಗಲೀಕರಣ ಭಾಗವಾಗಿ ಮಾರ್ಚ್ ೨೦ ರಂದು ಅಡಿಗಾಲುವೆ (ಕಲ್ವರ್ಟ್ ) ನಿರ್ಮಿಸುವ ಕಾರ್ಮಿಕರು ಎರಿಯಾಲ್ ನ ಸಿಪಿಆರ್ಐಐ ಬಳಿ ಹೆಬ್ಬಾವೊಂದು ಬಿಲದೊಳಗೆ ಸುತ್ತಿಕೊಂಡಿರುವುದನ್ನು ಕಂಡು ಅರಣ್ಯ ಇಲಾಖೆಗೆ ಕರೆ ಮಾಡಿದ್ದಾರೆ. ಮುಳ್ಳುಹಂದಿ ಮಾಡಿದ ಬಿಲವು ರಸ್ತೆ ಮಟ್ಟದಿಂದ ನಾಲ್ಕು ಅಡಿಗಳಷ್ಟು ಕೆಳಗಿತ್ತು ಮತ್ತು ಮಣ್ಣು ತೆಗೆಯುವ ಅರ್ಥ್ ಮೂವರ್ಸ್ ಮಣ್ಣನ್ನು ಅಗೆಯದಿದ್ದರೆ ಅದು ಎಂದಿಗೂ ಕಾಣುತ್ತಿರಲಿಲ್ಲ.
ಸುದ್ದಿ ತಿಳಿಯುತ್ತಿದ್ದಂತೆ ೧೦ ವರ್ಷಗಳಿಂದ ಹಾವನ್ನು ರಕ್ಷಿಸುತ್ತಿರುವ ಅಮೀನ್ ಅವರನ್ನು ಅರಣ್ಯ ಇಲಾಖೆ ಕರೆದಿದ್ದು, ಅಡಿಗಾಲುವೆ ಕೆಲಸ ಸ್ಥಗಿತಗೊಳಿಸುವಂತೆ ಯುಎಲ್ ಸಿಸಿಸಿ ಎಸ್ ಕಂಪನಿಗೆ ಹೇಳಿದೆ. ಅಲ್ಲದೇ ಈ ಕಾಮಗಾರಿಯನ್ನು ನಿಗದಿತ ಸಮಯದಲ್ಲಿ ಪೂರ್ಣಗೊಳಿಸಬೇಕಾಗಿದ್ದರಿಂದ ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವನ್ನು ಸಂಪರ್ಕಿಸಿ ಕೆಲಸ ನಿಲ್ಲಿಸಲು ಅನುಮತಿ ಪಡೆಯಲಾಯಿತು ಎಂದು ವಿಭಾಗೀಯ ಅರಣ್ಯಾಧಿಕಾರಿ ಕಾಸರಗೋಡು ಪಿ.ಬಿಜು ತಿಳಿಸಿದ್ದಾರೆ. ಅಮೀನ್ ಬಿಲದೊಳಗೆ ಪರಿಶೀಲಿಸಿದಾಗ, ಅವರು ಹಲವಾರು ಮೊಟ್ಟೆಗಳನ್ನು ನೋಡಿದ್ದಾರೆ ಮತ್ತು ಹೆಬ್ಬಾವು ಅವುಗಳ ಸುತ್ತಲೂ ಸುತ್ತಿಕೊಂಡಿದೆ. ನಂತರ ಕಾಸರಗೋಡು ಮೂಲದ ನೇಪಾಳ ಮಿಥಿಲಾ ವೈಲ್ಡ್ಲೈಫ್ ಟ್ರಸ್ಟ್ ನಲ್ಲಿರುವ ಹರ್ಪಿಟಾಲಜಿಸ್ಟ್ ಮತ್ತು ವೈಲ್ಡ್ ಲೈಫ್ ರಿಸರ್ಚ್ ಮುಖ್ಯಸ್ಥ ಮವೀಶ್ ಕುಮಾರ್ ಅವರನ್ನು ಸಂಪರ್ಕಿಸಿದ್ದಾರೆ. ತಾಯಿ ಹೆಬ್ಬಾವಿನ ಉಷ್ಣತೆಯಿಲ್ಲದೆ ಮೊಟ್ಟೆಗಳು ಮರಿಯಾಗದ ಕಾರಣ ಮೊಟ್ಟೆಗಳನ್ನು ಸ್ಥಳಾಂತರಿಸದಂತೆ ಮಾವೀಶ್ ಸಲಹೆ ನೀಡಿದರು ಎಂದು ಅಮೀನ್ ಹೇಳಿದರು. ಮೊಟ್ಟೆಗಳನ್ನು ಸರಿಯಾದ ತಾಪಮಾನದಲ್ಲಿ ಇಡಲು ತಾಯಿ ಹಾವು ಮೊಟ್ಟೆಗಳನ್ನು ಸುತ್ತುತ್ತದೆ. ಮೊಟ್ಟೆಗಳು ಹೊರಬರುವವರೆಗೆ ಬೇರೆಡೆ ಕೆಲಸ ಮಾಡಲು ಯುಎಲ್ ಸಿಸಿಎಸ್ ನಿರ್ಧರಿಸಿದ ನಂತರ, ಅಮೀನ್ ಪ್ರತಿದಿನ ಒಂದು ಅಥವಾ ಎರಡು ಬಾರಿ ಹಾವು ಮತ್ತು ಮೊಟ್ಟೆಗಳನ್ನು ಪರೀಕ್ಷಿಸುತ್ತಿದ್ದರು. ೫೪ ನೇ ದಿನದಲ್ಲಿ ಮೊಟ್ಟೆಗಳ ಮೇಲೈನಲ್ಲಿ ಬಿರುಕು ಬಿಡಲಾರಂಭಿಸಿದವು ಎಂದು ಅಮೀನ್ ಹೇಳಿದರು. ಮೊಟ್ಟೆ ಒಡೆಯಲು ಪ್ರಾರಂಭಿಸಿದ ನಂತರ, ತಾಯಿ ಹೆಬ್ಬಾವಿನ ಉಪಸ್ಥಿತಿಯು ಅನಿವಾರ್ಯವಲ್ಲ. ಆದ್ದರಿಂದ ನಾವು ಮೊಟ್ಟೆಗಳನ್ನು ಮನೆಗೆ ಸ್ಥಳಾಂತರಿಸಲು ನಿರ್ಧರಿಸಿದೆವು ಎಂದು ಹೇಳಿದರು.
