ನ್ಯೂಸ್ ನಾಟೌಟ್: ಪಡ್ಡೆ ಹುಡುಗರ ಹಾಟ್ ಫೇವರಿಟ್, ನೀಲಿ ಸಿನಿಮಾಗಳ ರಾಣಿ, ಕನ್ನಡದ ಸೇಸಮ್ಮ ಬಾಲಿವುಡ್ ನಟಿ ಸನ್ನಿ ಲಿಯೋನ್ ನಿನ್ನೆ ಬೆಂಗಳೂರಿಗೆ ಆಗಮಿಸಿದ್ದರು. ಸನ್ನಿ ಬರುತ್ತಿದ್ದಾರೆ ಎನ್ನುತ್ತಿದ್ದಂತೆ ಪಡ್ಡೆ ಹುಡುಗರು ಬೆಂಗಳೂರಿನ ರಸ್ತೆಗಳಲ್ಲೆಲ್ಲ ಜಮಾಯಿಸಿದ್ದಾರೆ. ಇದರಿಂದ ಉದ್ಯಾನನಗರಿಯಲ್ಲಿ ಭಾರಿ ಟ್ರಾಫಿಕ್ ಜಾಮ್ ಉಂಟಾಯಿತು. ಸನ್ನಿಯನ್ನು ನೋಡುವುದಕ್ಕೆ ನೂಕು ನುಗ್ಗಲು ನಡೆದಿದ್ದರಿಂದ ಪೊಲೀಸರು ಹೈಕ್ಳನ್ನು ನಿಯಂತ್ರಿಸುವುದಕ್ಕೆ ಹರಸಾಹಸ ಪಡಬೇಕಾಯಿತು.
ಅಂದ ಹಾಗೆ ಸನ್ನಿ ಬೆಂಗಳೂರಿಗೆ ಬಂದದ್ದು ಸಿನಿಮಾವೊಂದರ ಪ್ರಮೋಶನ್ ಕಾರ್ಯಕ್ರಮಕ್ಕೆ.ಮೊನ್ನೆಯಷ್ಟೇ ಸನ್ನಿ ಲಿಯೋನ್ ತಮ್ಮ ಹುಟ್ಟು ಹಬ್ಬವನ್ನು ಆಚರಿಸಿಕೊಂಡಿದ್ದರು. ಅದೇ ದಿನ ಸನ್ನಿ ಲಿಯೋನ್ ಅಭಿಮಾನಿಗಳು ಕೂಡ ಅದ್ದೂರಿಯಾಗಿಯೇ ಸನ್ನಿ ಲಿಯೋನ್ ಬರ್ತ್ ಡೇ ಆಚರಿಸಿದ್ದರು. ಕೆಲವೆಡೆ ನೆಚ್ಚಿನ ನಟಿಯ ಹುಟ್ಟು ಹಬ್ಬಕ್ಕಾಗಿ ರಕ್ತದಾನ ಶಿಬಿರ ಕೂಡ ಮಾಡಿದ್ದರು. ಅದು ದೊಡ್ಡ ಸುದ್ದಿಯಾಗಿತ್ತು. ಮಾಧ್ಯಮಗಳು ಆ ಸುದ್ದಿಯನ್ನು ಕವರ್ ಮಾಡಿದ್ದವು. ಹೀಗಾಗಿ ಸನ್ನಿ ಲಿಯೋನ್ ಈ ವಿಷಯ ತಿಳಿದು, ಸಂಭ್ರಮಿಸಿದ್ದರು.
ಈಗಾಗಲೇ ಸನ್ನಿ ಲಿಯೋನ್ ಕನ್ನಡದ ಮೂರು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಕೆಲ ತಿಂಗಳ ಹಿಂದೆಯಷ್ಟೇ ಕನ್ನಡ ಸಿನಿಮಾವೊಂದರ ಗೀತೆಗೆ ಹೆಜ್ಜೆ ಹಾಕಿದ್ದಾರೆ. ಕನ್ನಡ ಸಿನಿಮಾಗಳಲ್ಲಿ ನಟಿಸುವಂತೆ ಅವಕಾಶ ಬಂದರೆ, ಯಾವುದೇ ಕಾರಣಕ್ಕೂ ನಿರಾಕರಿಸಲಾರೆ ಎಂದು ಈ ಹಿಂದೆಯೇ ಅವರು ಹೇಳಿದ್ದರು. ಹಾಗಾಗಿ ಅವಕಾಶ ಸಿಕ್ಕಾಗೆಲ್ಲ ಬೆಂಗಳೂರಿಗೆ ಬಂದು ನಟಿಸಿ ಹೋಗುತ್ತಾರೆ.
