ನ್ಯೂಸ್ ನಾಟೌಟ್: ಐವರ್ನಾಡಿನಲ್ಲಿ ಕಾರು ಹಾಗೂ ಮಹೀಂದ್ರ ಜೀತೋ ನಡುವೆ ಡಿಕ್ಕಿ ಸಂಭವಿಸಿ ಗಾಡಿ ಚಾಲಕನಿಗೆ ಗಾಯವಾದ ಘಟನೆ ಮೇ.09 ರಂದು ನಡೆದಿದೆ.
ಸುಳ್ಯದಿಂದ ಬೆಳ್ಳಾರೆ ಕಡೆಗೆ ಹೋಗುತ್ತಿದ್ದ ನ್ಯಾಯವಾದಿ ದೇವಿಪ್ರಸಾದ್ ಆಳ್ವ ಚಲಾಯಿಸುತ್ತಿದ್ದ ಕ್ರೇಟಾ ಕಾರು ಹಾಗೂ ನವೀನ ಎಂಬವರು ಬೆಳ್ಳಾರೆ ಕಡೆಯಿಂದ ಐವರ್ನಾಡು ಕಡೆಗೆ ಚಲಾಯಿಸಿಕೊಂಡು ಬರುತ್ತಿದ್ದ ಮಹೀಂದ್ರ ಜೀತೊ ಗಾಡಿ ಐವರ್ನಾಡಿನಲ್ಲಿ ಪರಸ್ಪರ ಡಿಕ್ಕಿ ಹೊಡೆದುಕೊಂಡಿದೆ.
ಪರಿಣಾಮ ಜೀತೋ ಗಾಡಿಯ ನವೀನ ಎಂಬವರ ಕಾಲು ಮುರಿತಕ್ಕೊಳಗಾಗಿದ್ದಾರೆ. ಅವರು ಸುಳ್ಯದ ಕೆ.ವಿ.ಜಿ.ಆಸ್ಪತ್ರೆ ಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವುದಾಗಿ ತಿಳಿದು ಬಂದಿದೆ. ಎರಡೂ ಗಾಡಿಯ ಮುಂಭಾಗ ಜಖಂಗೊಂಡಿದೆ. ಬೆಳ್ಳಾರೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
