1.5 ಲಕ್ಷ ರೂ. ಮರಳಿಸಿ ಪ್ರಾಮಾಣಿಕತೆ ಮೆರೆದ ರಿಕ್ಷಾ ಡ್ರೈವರ್

ನಾಗ್ಪುರ: ರಿಕ್ಷಾದಲ್ಲಿ ಪ್ರಯಾಣಿಸಿದ್ದ ಅಂಗವಿಕಲ ವ್ಯಕ್ತಿಯೊಬ್ಬರು 1.5 ಲಕ್ಷ ರೂ. ಇದ್ದ ಬ್ಯಾಗನ್ನು ರಿಕ್ಷಾದಲ್ಲೇ ಬಿಟ್ಟುಹೋಗಿದ್ದರು. ಅದೇ ರಿಕ್ಷಾಗೆ ಮತ್ತೊಬ್ಬರು ಪ್ರಯಾಣಿಕರು ಹತ್ತಿದ್ದರು.

ಈ ಸಂದರ್ಭದಲ್ಲಿ ರಿಕ್ಷಾ ಡ್ರೈವರ್ ಸುಶೀಲ್ ಪುಂಡಲೀಕ್ ಅವರಿಗೆ ತಮ್ಮ ರಿಕ್ಷಾದಲ್ಲಿ 1.5 ಲಕ್ಷ ಇರುವ ಸಂಗತಿ ಗೊತ್ತಾಗಿತ್ತು. ಕೂಡಲೆ ಈ ಹಣ ಅಂಗವಿಕಲ ಪ್ರಯಾಣಿಕನದು ಎನ್ನುವುದು ಹೊಳೆಯಿತು. ಆದರೆ ಆ ಪ್ರಯಾಣಿಕನ ವಿಳಾಸ ತಿಳಿದಿರಲಿಲ್ಲ. ಹೀಗಾಗಿ ಆ ಹಣವನ್ನು ಸುಶೀಲ್ ಪುಂಡಲೀಕ್ ಸಮೀಪದ ಪೊಲೀಸ್ ಠಾಣೆಗೆ ತಲುಪಿಸಿದ್ದರು. ಪೊಲೀಸರು ಆ ಹಣದ ವಾರಸುದಾರರನ್ನು ಪತ್ತೆಹಚ್ಚಿ ಹಣವನ್ನು ಮರಳಿಸಿದ್ದಾರೆ.