ಸುಳ್ಯ: ಜನರ ಸೇವೆಯೇ ಜನಾರ್ದನ ಸೇವೆ ,ನಾವು ಇನ್ನೊಬ್ಬರಿಗೆ ಒಳಿತು ಮಾಡಬೇಕು.ಅದು ದೇವರಿಗೆ ತಲುಪುತ್ತದೆ ಎಂದು
ಅಜ್ಜಾವರ ದೇವರ ಕಳಿಯ ಚೈತನ ಸೇವಾಶ್ರಮದ ಸ್ವಾಮೀಜಿ ಶ್ರೀ ಯೋಗೇಶ್ವರಾನಂದ ಸರಸ್ವತಿಯವರು ಹೇಳಿದರು.ಆಶ್ರಮದಲ್ಲಿ ನಡೆದ ತನ್ನ 184 ನೇ ಕ್ರತಿ ಬಿಡುಗಡೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ಸ್ವಾಮೀಜಿಯರ 184 ನೇ ಕೃತಿ ಧರ್ಮ ರಹಸ್ಯವನ್ನು ವಿಶೇಷ ಶಿಕ್ಷಕಿ ಕೃತಿಕಾ ಕನಕಮಜಲು ಬಿಡುಗಡೆಗೊಳಿಸಿ ಮಾತನಾಡಿ ಸ್ವಾಮೀಜಿಯವರ ಪರೋಪಕರ,ಸಮಾಜ ಪರ ಚಿಂತನೆ ಶ್ರೇಷ್ಠವಾದುದು .ಇದು ಎಲ್ಲಾರಿಗೆ ಮಾದರಿಯಾಗಿದೆ ಎಂದು ಹೇಳಿದರು.
ಡಾಕ್ಟರ್ ಸಾಯಿಗೀತಾ, ನಿವೃತ್ತ ಶಿಕ್ಷಕ ಜನಾರ್ದನ ಅಡ್ಪಂಗಾಯ, ಸುಳ್ಯ ಕೆ.ವಿ.ಜಿ ಇಂಜಿನಿಯರಿಂಗ್ ಕಾಲೇಜು ಪ್ರೋಪೆಸರ್ ರೇಖಾ, ಪ್ರೋ.ಅನಿಲ್ ಬಿ.ವಿ, ಆಶ್ರಮದ ಟ್ರಸ್ಟಿಗಳಾದ ಪ್ರಣವಿ, ಕುಶಾಲಪ್ಪ ಗೌಡ ಅತ್ಯಾಡಿ, ಮೇಘಶ್ಯಾಮ್ ಅಡ್ಪಂಗಾಯ ಇತರರು ಉಪಸ್ಥಿತರಿದ್ದರು. ಈ ಸಂದರ್ಭದಲ್ಲಿ ಶಿವಪೂಜೆ,ಭಜನೆ ಸತ್ಸಂಗ,ಮಕ್ಜಳಿಗೆ ಮಂತ್ರೋಪದೇಶ ಕಾರ್ಯಕ್ರಮ ನಡೆಯಿತು.
