ಕೀವ್: ಕಲಾಶ್ನಿಕೋವ್ ಬಂದೂಕು ಹಿಡಿದ ಉಕ್ರೇನ್ ಸಂಸದೆ ಕಿರಾ ರುಡಿಕ್ ಭಾರಿ ಸುದ್ದಿಯಾಗಿದ್ದಾರೆ. ಉಕ್ರೇನ್‌ನ ವಾಯ್ಸ್ ಪಾರ್ಟಿಯ ನಾಯಕಿಯೂ ಆಗಿರುವ ರುಡಿಕ್ ಅವರು ಬಂದೂಕು ಹಿಡಿದಿರುವ ಫೋಟೊವನ್ನು ಟ್ವೀಟರ್ ನಲ್ಲಿ ಹಂಚಿಕೊಂಡಿದ್ದಾರೆ. ಆ ಫೋಟೊ ಈಗ ಜಗತ್ತಿನಾದ್ಯಂತ ವೈರಲ್ ಆಗಿದೆ.
‘ನಾನು ಬಂದೂಕನ್ನು ಬಳಸಲು ಕಲಿಯುತ್ತೇನೆ ಮತ್ತು ಶಸ್ತ್ರಾಸ್ತ್ರಗಳನ್ನು ಹೊರಲು ಸಿದ್ದವಾಗುತ್ತೇನೆ. ಇದು ಕಟುವಾಸ್ತವವಾಗಿದೆ. ಕೆಲವೇ ದಿನಗಳ ಹಿಂದೆ ಅದನ್ನು ನಾನು ಯೋಚಿಸಿಯೇ ಇರಲಿಲ್ಲ. ನಮ್ಮ ಮಹಿಳೆಯರೂ ನಮ್ಮ ಪುರುಷರಂತೆಯೇ ಈ ನೆಲವನ್ನು ರಕ್ಷಿಸಲಿದ್ದಾರೆ’ ಎಂದು ರುಡಿಕ್ ಬರೆದುಕೊಂಡಿದ್ದಾರೆ.
