ವಿಟ್ಲ: ಮಹಿಳೆಯಿಂದ ಹಣ ಪಡೆದಿದ್ದ ಮತ್ತೋರ್ವ ಮಹಿಳೆ ವಂಚಿಸಿದ ಪ್ರಕರಣ ಬೆಳಕಿಗೆ ಬಂದಿದೆ. ಈ ಬಗ್ಗೆ ವಿಟ್ಲ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಬಂಟ್ವಾಳ ತಾಲೂಕು ವಿಟ್ಲ ಪಡ್ನೂರು ಗ್ರಾಮದ ಶರವು ಪಡ್ಪು ಎಂಬಲ್ಲಿನ ಹರೀಶ್‌ ರವರ ಪತ್ನಿ ಪ್ರೇಮ ದೂರುದಾರರಾಗಿದ್ದಾರೆ. ಬಂಟ್ವಾಳ ಅನಂತಾಡಿ ಗ್ರಾಮದ ಬಾಕಿಲ ನಿವಾಸಿ ರೋಹಿಣಿ ಯಾನೆ ರೂಪ ಮೇಲೆ ಆರೋಪ ಕೇಳಿ ಬಂದಿದೆ. ರೂಪ ಇನ್ವೆಸ್ಟ್ ಮೆಂಟ್‌ ಸಂಸ್ಥೆಯೊಂದರಲ್ಲಿ ಹಣ ಇಡುವಂತೆ ಒತ್ತಾಯಿಸಿ ಪ್ರೇಮ ಅವರಿಂದ 5 ಲಕ್ಷ ರೂ, ಪಡೆದುಕೊಂಡು ಅದರಲ್ಲಿ ಸ್ವಲ್ಪ ಹಣವನ್ನು ಇವರಿಗೆ ಕೊಟ್ಟಂತೆ ಮಾಡಿ ಇನ್ನೂ 3,90,000 ರೂ. ಅನ್ನು ನೀಡಿಲ್ಲ. ಕೇಳಿದರೆ ನನಗೊತ್ತಿಲ್ಲ ನೀನು ಏನು ಬೇಕಾದರೂ ಮಾಡಿಕೋ ಎಂದು ಹೇಳಿದ್ದಾರೆ ಎಂದು ಪೊಲೀಸ್ ಠಾಣೆಗೆ ಪ್ರೇಮ ದೂರು ನೀಡಿದ್ದಾರೆ.
