ಬೆಂಗಳೂರು: ಅರ್ಜುನ ಪ್ರಶಸ್ತಿ ವಿಜೇತ ಭಾರತ ಕಬಡ್ಡಿ ಪಟು ಹೊನ್ನಪ್ಪ ಗೌಡ ಅವರನ್ನು ಗುರುವಾರ ಸಂಜೆ ಎಲೆಕ್ಟ್ರಾನಿಕ್ಸ್‌ ಮತ್ತು ಮಾಹಿತಿ ತಂತ್ರಜ್ಞಾನ ರಾಜ್ಯ ಸಚಿವ ರಾಜೀವ್‌ ಚಂದ್ರಶೇಖರ್‌ ಸನ್ಮಾನಿಸಿದರು. ಹೊನ್ನಪ್ಪ ಗೌಡ ಅವರು ಪ್ರಸ್ತುತ ಆಲ್‌ ಇಂಡಿಯಾ ಸ್ಪೋರ್ಟ್ಸ್ ಕೌನ್ಸಿಲ್‌ ಸದಸ್ಯರಾಗಿದ್ದಾರೆ. ಈ ನಿಟ್ಟಿನಲ್ಲಿ ಬೆಂಗಳೂರಿನ ಮತ್ತಿಕೆರೆಯ ಹೊನ್ನಪ್ಪ ಅವರ ನಿವಾಸಕ್ಕೆ ಬಂದು ಸಚಿವರು ಗೌರವಿಸಿದರು. ಈ ಸಂದರ್ಭದಲ್ಲಿ ಮಾಜಿ ಮೇಯರ್ ಹರೀಶ್, ವಾರ್ಡ್ ನಂ 45 ಕಾರ್ಪೋರೇಟರ್ ಜಯಪಾಲ್ ಮುನಿಸ್ವಾಮಿ ಗೌಡ, ಮಾಜಿ ಕಾರ್ಪೋರೇಟರ್ ಡಾ.ವಾಸು ಹಾಗೂ ಬೆಂಗಳೂರು ಉತ್ತರ ಪ್ರಧಾನ ಕಾರ್ಯದರ್ಶಿ ಮಂಜುನಾಥ್‌ ಮತ್ತಿತರರು ಉಪಸ್ಥಿತರಿದ್ದರು.
