ಕೊಕ್ಕಡ: ಅಪರೂಪದ ಭಾರಿ ಸುಳಿಗಾಳಿಗೆ ಕೊಕ್ಕಡ ಸಮೀಪದ ಕೌಕ್ರಾಡಿ ಗ್ರಾಮದಲ್ಲಿ ಅಡಿಕೆ ,ರಬ್ಬರ್ ಮರಗಳು ಧರೆಗುರುಳಿದ ಘಟನೆ ನಡೆದಿದೆ. ಸುಳಿಗಾಳಿಯ ತೀವ್ರತೆಗೆ ಮೂಡುಬೈಲಿನ ಲಕ್ಷ್ಮಣ ಗೌಡ ಅವರ ಮನೆಗೆ ತೀವ್ರ ಹಾನಿಯಾಗಿದೆ. ಘಟನೆಯಿಂದ ಅಪಾರ ನಷ್ಟ ಸಂಭವಿಸಿದೆ ಎಂದು ತಿಳಿದು ಬಂದಿದೆ.
ಅಪರೂಪದ ಸುಳಿಗಾಳಿ
ಈ ರೀತಿಯ ಸುಳಿಗಾಳಿ ಕೊಕ್ಕಡ ಗ್ರಾಮದಲ್ಲಿ ಮಾತ್ರವೇ ಕಂಡು ಬಂದಿದ್ದು ವಿಶೇಷವಾಗಿತ್ತು. ಈ ಬಗ್ಗೆ ನ್ಯೂಸ್ ನಾಟೌಟ್ ಗೆ ಪ್ರತಿಕ್ರಿಯಿಸಿದ ಪವಿತ್ರ ಮೂಡುಬೈಲು’ ಸಂಜೆ ಹೊತ್ತಿಗೆ ಮಳೆ ಬರುತ್ತಿತ್ತು. ಇದ್ದಕ್ಕಿದ್ದ ಹಾಗೆ ಒಮ್ಮೆಲೆ ಸುಳಿಗಾಳಿ ಬೀಸಿತು. ಸುರುಳಿಯಾಕಾರದಲ್ಲಿ ಬೀಸಿ ಬಂದ ಗಾಳಿಗೆ ನಾವೆಲ್ಲ ಬೆಚ್ಚಿ ಬಿದ್ದಿದ್ದು ಮನೆಯಿಂದ ಹೊರಬಂದೆವು. ಸ್ವಲ್ಪ ಹೊತ್ತಲ್ಲೇ ಮನೆಯ ಮೇಲ್ಚಾವಣಿ ಕುಸಿದು ಬಿತ್ತು. ಇಷ್ಟು ಮಾತ್ರವಲ್ಲದೇ ಮೂಡುಬೈಲಿನ ನೂರಾರು ಅಡಿಕೆ ಮರಗಳು ಧರಶಾಹಿಯಾಗಿವೆ. ರಬ್ಬರ್ ಗಿಡಗಳಿಗೂ ಹಾನಿಯಾಗಿದ್ದು ಅಪಾರ ನಷ್ಟವಾಗಿದೆ ಎಂದರು.
