ನ್ಯೂಸ್ ನಾಟೌಟ್: ಅಮೆರಿಕದಲ್ಲಿ ಜನಪ್ರಿಯ ಎಲೆಕ್ಟ್ರಿಕ್ ಕಾರ್ ಗಳನ್ನು ಉತ್ಪಾದಿಸುವ ಕಂಪನಿ ಟೆಸ್ಲಾ. ಈ ಕಂಪನಿಯಿಂದ ಬಹುನೀರಿಕ್ಷಿತ ಸೈಬೆರ್ ಟ್ರಕ್ ಎಲೆಕ್ಟ್ರಿಕ್ ಪಿಕ್ ಅಪ್(Tesla Cybertruck) ಈ ಕಾರಿಗಾಗಿ ಜನ 2019ರಿಂದಲೂ ಕಾದಿದ್ದರು. ಕೊನೆಗೆ ಈ ಕಾರು 2023ರಲ್ಲಿ ಬಿಡುಗಡೆಯಾಗಿತ್ತು. ಈಗ ಮೊಟ್ಟ ಮೊದಲ ಬಾರಿಗೆ ಭಾರತದಲ್ಲಿ ಈ ಕಾರನ್ನ ಒಬ್ಬ ಉದ್ಯಮಿ ಖರೀದಿಸಿದ್ದಾರೆ.
ಇಡೀ ಭಾರತದ ಕಾರು ಲವರ್ಸ್ಗಳಿಗೆ ಶಾಕ್ ಕೊಟ್ಟಿದ್ದು ಸೂರತ್ ಮೂಲದ ಉದ್ಯಮಿ ಲವ್ಜಿ ಬಾದ್ ಶಾ ಅಮೆರಿಕದ ಟೆಸ್ಲಾ ಸೈಬೆರ್ ಟ್ರಕ್ ಕಾರನ್ನು ಖರೀದಿಸಿದ್ದಾರೆ. ಈ ಟೆಸ್ಲಾ ಕಾರು ಭಾರತದಲ್ಲಿ ಇನ್ನೂ
ಲಾಂಚ್ ಆಗಿಲ್ಲ. ಆದರೂ ಪಟ್ಟು ಬಿಡದ ಬಾದ್ ಶಾ, ಈ ಕಾರನ್ನ ಸ್ಪೆಷಲ್ಲಾಗಿ ದುಬೈನಿಂದ ಆಮದು ಮಾಡಿಕೊಂಡಿದ್ದಾರೆ.
ಸೋಷಿಯಲ್ ಮೀಡಿಯಾದ ತುಂಬಾ ದುಬೈ ನಂಬರ್ ಪ್ಲೇಟ್ ಇರೋ ಈ ಟೆಸ್ನಾ ಸೈಬರ್‌ ಟ್ರಕ್ ಎಲೆಕ್ಟ್ರಿಕ್ ಪಿಕ್ ಅಪ್ ಕಾರ್ ನ ಓಡಾಟದ ಫೋಟೋ ವಿಡಿಯೋಗಳು ವೈರಲ್ ಆಗ್ತಿರೋದನ್ನ ನೋಡಿ, ಅನೇಕರಿಗೆ ಶಾಕ್ ಆಗಿದೆ. ದುಬೈ ನಂಬರ್ ಪ್ಲೇಟ್ ಇರೋ ಕಾರನ್ನ ಇಲ್ಲಿಗೇಗೆ ತಂದು ಓಡಿಸ್ತಿದ್ದಾರೆ ಅನ್ನೋ ಶಾಕ್ ಈಗಲೂ ಹಲವರನ್ನ ಕಾಡ್ತಿದೆ. ಜೊತೆಗೆ ಭಾರತದ ವ್ಯಕ್ತಿ, ಕಾರು ದೇಶಕ್ಕೆ ಬರುವ ಮುನ್ನವೇ ಮನೆ ಮುಂದೆ ನಿಲ್ಲಿಸಿದ್ದು, ದೇಶಾದ್ಯಂತ ಭಾರಿ ಕುತೂಹಲವನ್ನ ಹುಟ್ಟುಹಾಕಿದೆ.
ಬಹುಶಃ ಹಾಲಿವುಡ್ ಸಿನಿಮಾ ಸೆಟ್‌ ನಿಂದ ಏನಾದರೂ ಈ ಕಾರ್ ಬಂದಿದೆಯೇನೋ ಎಂದು ಬಾದ್ ಶಾ ಮನೆ ಮುಂದೆ ಜನರು ನಿಂತು ನೋಡುತ್ತಿದ್ದಾರೆ ಎನ್ನಲಾಗಿದೆ.
ಎಲಾನ್ ಮಸ್ಕ್ ಟೆಸ್ಲಾ ಕಾರ್ ಗಳನ್ನ ಭಾರತದಲ್ಲಿ ಲಾಂಚ್ ಮಾಡಿದ್ದರು.ಆದರೇ ಸೈಬೆರ್ ಟ್ರಕ್ ಕಾರನ್ನು ಅಧಿಕೃತವಾಗಿ ಬಿಡುಗಡೆ ಮಾಡದಿದ್ದರೂ ಸಹ, ಅದು ಭಾರತಕ್ಕೆ ಆಮದಾಗಿರಲಿಲ್ಲ ಮತ್ತು ಇಲ್ಲಿ ತನಕ ಭಾರತದಲ್ಲಿ ಅದು ಬಿಡುಗಡೆಯಾಗಿಲ್ಲ. ನಿಜಕ್ಕೆ ಈ ಸೈಬರ್‌ ಟ್ರಕ್ ಕಾರನ್ನ ಭಾರತಕ್ಕೆ ತರುವುದು ಅಷ್ಟು ಸುಲಭವಾಗಿರಲಿಲ್ಲ. ಹಾಗಾಗಿ ಅಮೆರಿಕದಿಂದ ತರುವ ಬದಲು ಬಾದ್ ಶಾ ಅದನ್ನ ದುಬೈನಿಂದ ಖರೀದಿಸಿ ಮುಂಬೈಗೆ ತಂದು, ಮುಂಬೈ ಮೂಲಕ ಕೊನೆಗೆ ಸೂರತ್ ಗೆ ತಂದಿದ್ದಾರೆ.
27 ವರ್ಷದ ವ್ಯಕ್ತಿಯಿಂದ 4 ವರ್ಷದ ಬಾಲಕಿ ಮೇಲೆ ಅತ್ಯಾಚಾರ..! ನಿರ್ಮಾಣ ಹಂತದ ಕಟ್ಟಡದಲ್ಲಿ ಆಕೆಯ ಮೃತದೇಹ ಪತ್ತೆ..!
