ನ್ಯೂಸ್ ನಾಟೌಟ್: ಅಪರಿಚಿತ ವಾಹನವೊಂದು ರಸ್ತೆ ಬದಿಯಲ್ಲಿ ಕೆಲವು ದಿನಗಳಿಂದ ಅನಾಥವಾಗಿ ನಿಂತಿದ್ದ ಕಾರಣ ಹಲವು ಅನುಮಾನಗಳು ಮೂಡಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಈ ಕಾರಿನ ಬಗ್ಗೆ ಊಹಾಪೋಹಗಳು ಹರಿದಾಡುತ್ತಿತ್ತು ಈಗ ಗಾಳಿ ಸುದ್ದಿಗಳಿಗೆ ತೆರೆ ಬಿದ್ದಿದೆ.
ವಾಹನವನ್ನು ಸ್ಥಳೀಯರು ಪರಿಶೀಲನೆ ನಡೆಸಿದಾಗ ಅದರಲ್ಲಿ ಜಾತಿ ಪ್ರಮಾಣಪತ್ರವೊಂದು ದೊರಕಿತ್ತು. ಈ ಸಂಬಂಧ ಅದರಲ್ಲಿದ್ದ ಜಾತಿ ಪ್ರಮಾಣಪತ್ರದ ಸಮೇತ ಸಾಮಾಜಿಕ ಜಾಲತಾಣದಲ್ಲಿ ಊಹಾಪೋಹಗಳು ಹರಿದಾಡುತ್ತಿತ್ತು. ಈಗ ಈ ಪ್ರಕರಣಕ್ಕೆ ತಿರುವು ದೊರಕಿದ್ದು, ಸುಳ್ಯದ ಪಡ್ಪಿನಂಗಡಿ ಬಳಿ ಇದ್ದ ಕಾರು ಕೆಟ್ಟುಹೋಗಿದ್ದ ಕಾರಣ ರಸ್ತೆ ಬದಿ ಕಾರನ್ನು ಬಿಟ್ಟು ಹೋಗಲಾಗಿತ್ತು ಎಂದು ತಿಳಿದು ಬಂದಿದೆ.
ಸುಳ್ಯ ನಗರ ನಿವಾಸಿಯಾಗಿರುವ ಬಾತೀಶ್ ಎಂಬವರಿಗೆ ಸೇರಿದ ಉಡುಪಿ ನೋಂದಣಿಯ ಕಾರು ಇದಾಗಿದ್ದು, ಕೆಲವು ದಿನಗಳ ಹಿಂದೆ ಬಾತೀಶ್ ಸುಳ್ಯ ಕಡೆಯಿಂದ ಪಂಜ ಕಡೆಗೆ ಪ್ರಯಾಣಿಸುತ್ತದ್ದಾಗ ಕಾರು ಕೈಕೊಟ್ಟಿತ್ತು. ಈ ಸಂದರ್ಭ ಅನಿವಾರ್ಯದ ಕಾರಣ ಕಾರನ್ನು ಅಲ್ಲೇ ನಿಲ್ಲಿಸಿ ಪರ್ಯಾಯ ವಾಹನದ ಮೂಲಕ ತೆರಳಿದ್ದಾರೆ ಎಂದು ಈಗ ಬಂಹಿರಂಗವಾಗಿದೆ.
