ಬೆಂಗಳೂರು: ಎಸ್‌ಎಸ್‌ಎಲ್‌ಸಿ 2020-21 ನೇ ಶೈಕ್ಷಣಿಕ ಸಾಲಿನ ಪರೀಕ್ಷೆಗೆ ಹಾಜರಾಗಿದ್ದ ಒಟ್ಟು 8,71,443 ವಿದ್ಯಾರ್ಥಿಗಳಲ್ಲಿ ಒಬ್ಬ ವಿದ್ಯಾರ್ಥಿ ಹೊರತುಪಡಿಸಿ ಉಳಿದೆಲ್ಲ ವಿದ್ಯಾರ್ಥಿಗಳು ತೇರ್ಗಡೆಯಾಗಿದ್ದಾರೆ. ಅರೆ.. ಎಲ್ಲರೂ ಪಾಸಾಗಿ ಈ ಒಬ್ಬ ವಿದ್ಯಾರ್ಥಿ ಮಾತ್ರ ಹೇಗೆ ಫೇಲ್ ಆಗಲು ಸಾಧ್ಯ ಅನ್ನುವ ಅನುಮಾನ ಬರುವುದು ಸಹಜ. ಈ ವಿದ್ಯಾರ್ಥಿ ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ಖತರ್ನಾಕ್ ಬುದ್ಧಿ ಪ್ರಯೋಗ ಮಾಡಿದ್ದಾನೆ. ತನ್ನ ಬದಲಿಗೆ ಬೇರೆಯವರನ್ನು ಕಳುಹಿಸಿ ಪರೀಕ್ಷೆ ಬರೆಯಿಸಿದ್ದಾನೆ. ಈ ವಿಷಯ ಗೊತ್ತಾದ ತಕ್ಷಣ ವಿದ್ಯಾರ್ಥಿಯನ್ನು ಅನುತೀರ್ಣಗೊಳಿಸಲಾಗಿದೆ ಎಂದು ತಿಳಿಸಲಾಗಿದೆ.
