ನ್ಯೂಸ್ ನಾಟೌಟ್: ನಕ್ಸಲ್ ನಾಯಕ ವಿಕ್ರಂ ಗೌಡನ ಮತ್ತು ತಂಡದ ಮೇಲೆ ನಕ್ಸಲ್ ನಿಗ್ರಹ ಪಡೆಯ ಸಿಬ್ಬಂದಿ ಕಾರ್ಕಳದ ಹೆಬ್ರಿಯಲ್ಲಿ ಗುಂಡಿನ ಮಳೆಗೆರೆದಿದ್ದಾರೆ. ಕಬ್ಬಿನಾಲೆ ಕಾಡಿನ ತೀಥ ಬೈಲಿನಲ್ಲಿ ನಿನ್ನೆ ತಡರಾತ್ರಿ ಎರಡು ತಂಡಗಳ ನಡುವೆ ಗುಂಡಿನ ಚಕಮಕಿ ನಡೆದಿದೆ.
ಈ ವೇಳೆ ಕೋಬಿಂಗ್ ನಡೆಸುತ್ತಿದ್ದ ನಕ್ಸಲ್ ನಿಗ್ರಹ ಪಡೆ ಪ್ರತಿದಾಳಿ ನಡೆಸಿದಾಗ ವಿಕ್ರಂ ಗೌಡ ಗುಂಡಿನ ದಾಳಿಗೆ ಬಲಿಯಾಗಿದ್ದಾನೆ ಎಂದು ತಿಳಿದು ಬಂದಿದೆ. ಇದೇ ವೇಳೆ ತಂಡದಲ್ಲಿದ್ದ ಮಹಿಳಾ ನಕ್ಸಲ್ ಹೋರಾಟಗಾರರಾದ ವನಜಾಕ್ಷಿ ಹಾಗೂ ಸುಂದರಿಗೂ ಗುಂಡೇಟು ತಗುಲಿದೆ ಎಂದು ತಿಳಿದುಬಂದಿದೆ. ವಿಕ್ರಂ ಗೌಡ ಮತ್ತು ತಂಡ ಕಡಬದ ಐನಕಿದು ಗ್ರಾಮಕ್ಕೂ ಇತ್ತೀಚಿಗೆ ಭೇಟಿ ನೀಡಿದ್ದನ್ನು ಸ್ಮರಿಸಬಹುದು.
